მთავარი გვერდი
დეპარტამენტის თავმჯდომარე…

განყოფილების თავმჯდომარე

ვოლოკოლამსკის მიტროპოლიტი ილარიონი


მოსკოვის საპატრიარქოს საგარეო საეკლესიო კავშირების განყოფილების თავმჯდომარე
2009 წლის 31 მარტიდან დღემდე

ვოლოკოლამსკის მიტროპოლიტი ილარიონი (ალფეევი გრიგოლი ვალერიანის ძე) დაიბადა ქ. მოსკოვში 1966 წლის 24 ივლისს.


1973-1990

1973-1984 წლებში სწავლობდა მოსკოვის გნესინების სახ. საშუალო სპეციალიზირებულ მუსიკალურ სკოლაში, ვიოლინოსა და კომპოზიციის კლასით.

15 წლის ასაკში მედავითნედ მოეწყო მოსკოვის „ეგრეთ წოდებულ აღდგომის“ ტაძარში [Воскресения Словущего („так называемого“)“. სახელწოდება აიხსნება იმით, რომ ქრისტიანული ტრადიციით ქრისტეს აღდგომის ტაძარი იერუსალიმში ითვლება ერთადერთად და არცერთ სხვა ეკლესიას არ შეუძლია უპირობოდ უწოდოს თავის ტაძარს ქრისტეს აღდგომის სახელი. - მთარგ.]

1983 წლიდან იპოდიაკვნად მსახურობდა ვოლოკოლამსკისა და იურიევის მიტროპოლიტ პიტირიმთან (ნეჩაევი) და, იმავდროულად – მოსკოვის საპატრიარქოს გამომცემლობის განყოფილებაში უშტატო თანამშრომლად.

1984 წელს, სკოლის დამთავრების შემდეგ, სწავლა განაგრძო მოსკოვის სახელმწიფო კონსერვატორიაში საკომპოზიტორო ფაკულტეტზე.

1984-86 წლებში ჯარში მსახურობდა.

1987 წლის იანვარში საკუთარი სურვილით დატოვა მოსკოვის კონსერვატორია და მორჩილად დადგა ვილენის სულიწმიდის მონსტერში.

1987 წლის 19 ივნისის ვილენის სულიწმიდის მონასტერში მონაზვნად აღიკვეცა, ხოლო 21 ივნისს ვილენისა და ლიტვის მთავარეპისკოპოსმა ვიქტორინმა ამავე მონასტერში იგი ბერდიაკვნად აკურთხა.  

o56456_4.jpg

1987 წლის 19 აგვისტოს ვილნიუსის  ყოვლადწმიდა ღვთისმშობლის მიძინების საკათედრო ტაძარში მთავარეპისკოპოს ვიქტორინის ლოცვა-კურთხევით იგი მღვდელმონაზვნად აკურთხა უფისა და სტერლიტამაკის მთავარეპისკოპოსმა ანატოლიმ (კუზნეცოვი).  

1988-1990 წლებში ვილენის ეპარქიის ტაძრების წინამძღვარი იყო ქ. ტელშიაიში, სოფ. კოლაინიაში და სოფ. ტიტუვენაიში. 1990 წელს დაინიშნა ქ. კაუნასის ხარების საკათედრო ტაძრის წინამძღვრად.  

1990 წელს ვილენისა და ლიტვის ეპარქიის სასულიერო დასის სახელით დელეგატად იყო მივლინებული რუსეთის მართლმადიდებელი ეკლესიის ადგილობრივ კრებაზე, სადაც ლენინგრადისა და ტალინის მიტროპოლიტი ალექსი (რიდიგერი) მოსკოვისა და სრულიად რუსეთის პატრიარქად იქნა გამორჩეული.

1989 წელს დაუსწრებლად დაამთავრა მოსკოვის სასულიერო სემინარია, 1991 წელს –მოსკოვის სასულიერო აკადემია ღვთისმეტყველების კანდიდატის ხარისხში. 1993 წელს დაამთავრა მსა-ს ასპირანტურა.

1991-1993 წლებში მოსკოვის სასულიერო აკადემიასა და სემინარიაში ასწავლიდა ჰომილეტიკას, ახალი აღთქმის წმინდა წერილს,  დოგმატურ ღვთისმეტყველებას და ბერძნულ ენას. 1992-1993 წლებში ახალ აღთქმას ასწავლიდა წმინდა ტიხონის ღვთისმეტყველების ინსტიტუტში, ხოლო პატროლოგიას – წმინდა იოანე ღვთისმეტყველის სახ. რუსეთის მართლმადიდებლურ უნივერსიტეტში. 

2_232435.jpg

1991-2009

1993 წელს სტაჟირებისათვის წარგზავნილ იქნა ოქსფორდის უნივერსიტეტში, სადაც დიოკლიის ეპისკოპოს კალისტეს (კონსტანტინეპოლის საპატრიარქო) ხელმძღვანელობით  მუშაობდა სადოქტორო დისერტაციის თემაზე „ღირსი სვიმეონ ახალი ღვთისმტეყველი და მართლმადიდებლური გარდამოცემა“. ამავე დროს, სწავლასთან შეთავსებით, სუროჟის ეპარქიის სამრევლოებში მსახურობდა. 1995 წელს დაამთავრა ოქსფორდის უნივერსიტეტი ფილოსოფიის დოქტორის ხარისხში.

1995 წლიდან მუშაობს მოსკოვის საპატრიარქოს  საგარეო საეკლესიო კავშირების განყოფილებაში.

1997-2002 წლებში ხელმძღვანელობდა ქრისტიანთაშორისი კავშირების სამდივნოს. 

1995-1997 წლებში პატროლოგიას ასწავლიდა სმოლენსკისა და კალუგის სასულიერო სემინარიებში.

1996 წელს დოგმატური ღვთისმეტყველების ლექციებს კითხულობდა ალიასკაზე (აშშ) წმინდა გერმანეს მართლმადიდებლურ სასულიერო სემინარიაში. 

3446545.jpg

1996 წლის იანვრიდან  გაწევრიანდა მოსკოვში ვსპოლზე მდებარე წმინდა დიდმოწამე ეკატერინეს ტაძრის (ამერიკის მართლმადიდებელი ეკლესიის მეტოქი) კლირში.

1996-2004 წლებში იყო რუსეთის მართლმადიდებელი ეკლესიის სინოდალური ღვთისმეტყველების კომისიის წევრი.  

1997-1999 წლებში კითხულობდა დოგმატური ღვთისმეტყველების ლექციების კურსს ნიუ-იორკში (აშშ) წმინდა ვლადიმერის სასულიერო სემინარიაში და მისტიკურ ღვთისმეტყველებას კემბრიჯის (დიდი ბრიტანეთი) უნივერსიტეტში ღვთისმეტყველების ფაკულტეტზე.

1999 წელს პარიზის წმინდა სერგის მართლმადიდებლურმა ინსტიტუტმა მიანიჭა ღვთისმეტყველების დოქტორის ხარისხი.

2000 წლის აღდგომის დღესასწაულზე ხოროშევოში (ქ. მოსკოვი) წმინდა სამების ტაძარში სმოლენსკისა და კალინინგრადის მიტროპოლიტ კირილეს მიერ აყვანილ იქნა იღუმენის ხარისხში.

2001 წლის 27 დეკემბერს წმინდა სინოდმა გადაწყვეტა: იღუმენი ილარიონი (ალფეევი) არქიმანდრიტის ხარისხში აყვანის შემდეგ დადგინდეს ქერჩის ეპისკოპოსად, სუროჟის ეპარქიის ვიკარიუსად.

2002 წლის 7ინვარს, ქრისტეს შობის დღესასწაულზე, სმოლენსკის საკათედრო ტაძარში სმოლენსკისა და კალინინგრადის მიტროპოლიტის მიერ აყვანილ იქნა არქიმანდრიტის ხარისხში.

2002 წლის 14 იანვარს მოსკოვში, ქრისტე მაცხოვრის ტაძარში, ხელთდასხმულ იქნა ეპისკოპოსად. ქიროტონია აღასრულა მოსკოვისა და სრულიად რუსეთის უწმინდესმა პატრიარქმა ალექსი II ათი მთავარეპისკოპოსის თანამსახურებით.

2002 წლის 17 ივნისის განჩინებით, წმინდა სინოდის მიერ დადგინდა პოდოლსკის ეპისკოპოსად, მოსკოვის ეპარქიის ვიკარიუსად, რუსეთის მართლმადიდებელი ეკლესიის წარმომადგენლობის მეთაურად ევროპის საერთაშორისო ორგანიზაციებში.

წმინდა სინოდის 2003 წლის 7 მაისის განჩინებით დადგინდა ვენისა და ავსტრიის ეპისკოპოსად, დაევალა, აგრეთვე, ბუდაპეშტისა და უნგრეთის ეპარქიის დროებითი მმართველობა და, ამასთან, შეუნარჩუნდა რუსეთის მართლმადიდებელი ეკლესიის წარმომადგენლის პოსტი ბრიუსელში ევროპის საერთაშორისო ორგანიზაციებთან თანამშრომლობის ჩარჩოებში.

2005 წლის 1 თებერვალს არჩეულ იქნა ფრიბურგის (შვეიცარია) უნივერსიტეტის ღვთისმეტყველების ფაკულტეტის პრივატ-დოცენტად დოგმატური ღვთისმეტყველების კათედრაზე.

2005 წლის 24 გვისტოს მიენიჭა მაკარის პრემია ნაშრომისათვის „ეკლესიის წმინდა საიდუმლო. სახელმადიდებლობის დავების ისტორიისა და პრობლემატიკის შესავალი“. 

09.jpg

2009-2020

2009 წლის 31 მარტს მოსკოვისა და სრულიად რუსეთის უწმინდესმა პატრიარქმა კირილემ და წმინდა სინოდმა ეპისკოპოსი ილარიონი გაათავისუფლა ვენა-ავსტრიისა და უნგრეთის ეპარქიების მმართველობისგან და დანიშნა მოსკოვის საპატრიარქოს საგარეო საეკლესიო კავშირების განყოფილების თავმჯდომარედ, წმინდა სინოდის მუდმივ წევრად და მიანიჭა ტიტული: „ვოლოკოლამსკის ეპისკოპოსი, მოსკოვისა და სრულიად რუსეთის პატრიარქის ვიკარიუსი“. 

MI_PF.jpg

მაშინვე დაინიშნა წმინდა მოციქულთა სწორთა კირილესა და მეთოდეს სახ. ზოგადსაეკლესიო ასპირანტურისა და დოქტორანტურის რექტორად.

უწმინდესი პატრიარქის კირილეს 2009 წლის 14 აპრილის ბრძანებულებით დადგინდა დიდ ორდინკაზე მდებარე (ქ. მოსკოვი) ღვთისმშობლის ხატის – „ყოველთა მწუხარეთა სიხარული“ სახ. ტაძრის წინამძღვრად.

2009 წლის 20 აპრილს მოსკოვის კრემლის მიძინების ტაძარში „ისეთ პოსტზე დანიშვნასთან დაკავშირებით, რომელიც გულისხმობს მუდმივ მონაწილეობას წმინდა სინოდის მუშაობაში, და ღვთის ეკლესიის წინაშე გულმოდგინე მსახურებისათვის“ უწმინდესი პატრიარქის კირილეს მიერ აყვანილ იქნა მთავარეპისკოპოსის ხარისხში.   

2009 წლის 28 მაისს შევიდა რუსეთის ფედერაციის პრეზიდენტთან არსებულ რელიგიურ გაერთიანებებთან კავშირების საბჭოში.  

06.jpg

წმინდა სინოდის 2009 წლის 27 მაისის განჩინებით დაინიშნა ძველმესტილეთა სამრევლოებთან დაკავშირებული საქმეებისა და ძველმესტილეებთან კავშირების კომისიის თავმჯდომარედ საგარეო საეკლესიო კავშირების განყოფილებაში (ჟურნალი № 42).

2009 წლის 27 ივლისიდან შედის რუსეთის მართლმადიდებელი ეკლესიის კრებებს შორის მოქმედ სათათბირო საბჭოში და მის პრეზიდიუმში. სხვადასხვა დროს იყო თავმჯდომარე, თავმჯდომარის მოადგილე და სათათბიროს მთელი რიგი კომისიების წევრი. ეს კომისიები განიხილავდნენ უცხოდმადიდებლებთან და სხვა რელიგიების წარმომადგენლებთან კავშირების საკითხებს, საეკლესიო განხეთქილებებსა და მათი დაძლევის გზებს, საღვთისმეტყველო თემებს, ღვთისმსახურებისა და საეკლესიო ხელოვნების დარგებს. ამჟამად მიტროპოლიტი ილარიონი ღვთისმეტყველებისა და საღვთისმეტყველო განათლების კომისიის თავმჯდომარეა. 

8c4fec158e12752d30f3a51ff1f28a2f.jpg

2010 წელს გაწევრიანდა ფონდის – „რუსული სამყარო“ სამეურვეო საბჭოში.

2010 წლის 1 თებერვალს მოსკოვისა და სრულიად რუსეთის უწმინდესმა პატრიარქმა კირილემ იგი მიტროპოლიტის ხარისხში აიყვანა.  

2010 წლიდან – საპატრიარქოს საბჭოს წევრი კულტურის სფეროში.   

2011 წლის 22 მარტიდან – რუსეთის მართლმადიდებელი ეკლესიის უმაღლესი საბჭოს წევრი.

2011 წლის 5-6 ოქტომბრის წმინდა სინოდის სხდომაზე დაინიშნა ბიბლიის ღვთისმეტყველების კომისიის თავმჯდომარედ.

Бари май 2017.jpg

იმავე წელს გახდა ჟურნალის – „საღვთისმეტყველო ნაშრომები“ სარედაქციო კოლეგიის თავმჯდომარე და „მოსკოვის საპატრიარქოს ჟურნალის“ სარედაქციო საბჭოს თავმჯდომარე.

იმავე წელს აირჩიეს ფრიბურგის (შვეიცარია) უნივერსიტეტის პროფესორად.

2012 წლის 25 დეკემბრის სინოდალური გადაწყვეტილებით დაინიშნა უმაღლეს სასწავლებლებში თეოლოგიის სწავლების უწყებათაშორისი საკოორდინაციო ჯგუფის თავმჯდომარედ; ასევე, სტუდენტური გაცვლის რეგულირებისათვის უწმინდესი პატრიარქის კირილეს მიერ შექმნილი კომისიის თავმჯდომარედ.

2013 წლის 25-26 დეკემბრის სხდომებზე სინოდმა ბიბლიის ღვთისმეტყველების კომისიასთან შექმნა რუსეთის მართლმადიდებელ ეკლესიაში ღვთისმეტყველების მენიერების განვითარების საკოორდინაციო ცენტრი, რომლის მუშაობასაც სათავეში ჩაუდგა ვოლოკოლამსკის მიტროპოლიტი ილარიონი.

2015 წლის 24 დეკემბრიდან იგი არის რელიგიათაშორის საბჭოში რუსეთის მართლმადიდებელი ეკლესიის წარმომადგენელი. 

181118.jpg
ასურეთისა და რუსეთის რელიგიური თემების მეთაურებისა და მაღალი წარმომადგენლების თათბირი.

სათავეში უდგას 2016 წლის 30 მაისს რუსეთის ფედერაციის განათლების სამინისტროსა და მეცნიერების სისტემაში მეცნიერებათა კანდიდატის სამეცნიერო ხარისხისა და თეოლოგიის სპეციალობით მენიერებათა დოქტორის სამეცნიერო ხარისხის მოსაპოვებლად შექმნილ სადისერტაციო საბჭოს.

2018 წლის თებერვლიდან – მეცნიერულ-თეოლოგიური განათლების ასოციაციის პრეზიდენტი, რომელიც აერთიანებს რუსეთის მოწინავე უმაღლეს სასწავლებლებს,

სადაც ხორციელდება თეოლოგიაში მზადება სახელმწიფოს მიერ აკრედიტირებული პროგრამების მიხედვით. 



სამეცნიერო წოდებები და ხარისხები

DSC_5476.jpg

    • ოქსფორდის (დიდი ბრიტანეთი) უნივერსიტეტის ფილოსოფიის დოქტორი (1995 წ.)
    • პარიზის (საფრანგეთი) წმინდა სერგის მართლმადიდებლური საღვთისმეტყველო ინსტიტუტის ღვთისმეტყველების დოქტორი (1999 წ.)
    • მოსკოვის სასულიერო აკადემიის პროფესორი
    • ფრიბურგის (შვეიცარია) უნივერსიტეტის ღვთისმეტყველების ფაკულტეტის პროფესორი (2011 წ.)
    • ბირთვული კვლევის ეროვნული ინსტიტუტის პროფესორი, თეოლოგიის კათედრის გამგე (2012 წ.)
    • სანკტ-პეტერბურგის სასულიერო აკადემიის საპატიო დოქტორი (2011 წ.)
    • მინსკის სასულიერო აკადემიის ღვთისმეტყველების საპატიო დოქტორი (2012 წ.)
    • ნიუ-იორკის (აშშ) წმინდა ვლადიმერის სასულიერო სემინარიის ღვთისმეტყველების დოქტორი (2014 წ.)
    • რუსეთის სახელმწიფო სოციალური უნივერსიტეტის საპატიო დოქტორი (2010 წ.)
    • კატალონიის (ესპანეთი) უნივერსიტეტის ღვთისმეტყველების ფაკულტეტის საპატიო დოქტორი (2010 წ.)
    • რუსეთის ქრისტიანული ჰუმანიტარული აკადემიის საპატიო პროფესორი (2010 წ.)
    • ლუგანოს (შვეიცარია) უნივერსიტეტის ღვთისმეტყველების ფაკულტეტის საპატიო დოქტორი (2011 წ.)
    • პრეშოვის (სლოვანეთი) უნივერსიტეტის საპატიო დოქტორი (2011 წ.)
    • ვილანოვის (აშშ) უნივერსიტეტის ღვთისმეტყველების საპატიო დოქტორი (2012 წ.)
    • NashotahHouse (აშშ) სასულიერო სემინარიის საპატიო დოქტორი (2012 წ.)
    • ურალის სახელმწიფო სამთო უნივერსიტეტის საპატიო პროფესორი (2012 წ.)
    • ურალის მ. პ. მუსორგსკის სახ. სახელმწიფო კონსერვატორიის საპატიო პროფესორი (2012 წ.)
    • ბელორუსიის სახელმწიფო უნივერსიტეტის თეოლოგიის ინსტიტუტის საპატიო დოქტორი (2013 წ.)
    • რუსეთის სახელმწიფო ჰუმანიტარული უნივერსიტეტის საპატიო დოქტორი (2014 წ.)
    • წმ.წმ. კირილესა და მეთოდეს სახ. ველიკოტირნოვის უნივერსიტეტის საპატიო დოქტორი (2014 წ.)
    • მოსკოვის სახელმწიფო ლინგვისტიკის უნივერსიტეტის საპატიო დოქტორი (2017 წ.)
    • აპულის (იტალია) ღვთისმეტყველების ფაკულტეტის საპატიო დოქტორი (2017 წ.)
    • მოსკოვის სახელმწიფო პედაგოგიური უნივერსიტეტის საპატიო პროფესორი (2017 წ.)
    • რუსეთის საგარეო საქმეთა სამინისტროს დიპლომატიური აკადემიის საპატიო დოქტორი (2018 წ.)
    • ბელგრადის სახელმწიფო უნივერსიტეტის საპატიო დოქტორი (2018 წ.)
    • მოსკოვის მ. ვ. ლომონოსოვის სახ. სახელმწიფო უნვერსიტეტის საპატიო პროფესორი (2018 წ.)
    • რუსეთის კომპოზიტორთა კავშირის წევრი.

MRT8291 (1).jpg

მიტროპოლიტი ილარიონი ათასზე მეტი პუბლიკაციის ავტორია, მათ შორისაა მონოგრაფიები ახალი აღთქმის, პატრისტიკის, დოგმატური ღვთისმეტყველებისა და საეკლესიო ისტორიის საკითხებზე. ნათარგმნი აქვს ეკლესიის წმინდა მამათა ნაშრომები ბერძნული და ასურული ენებიდან.


მიტროპოლიტ ილარიონის კალამს ეკუთვნის შემდეგი წიგნები: „სარწმუნოების საიდუმლოება. დოგმატური ღვთისმეტყველების შესავალი“ (1996 წ.), „წმინდა გრიგოლ ღვთისმეტყველის ცხოვრება და სწავლება“ (1998 წ. ), ღირსი ისააკ ასურის სულიერი სამყარო“ (1998 წ.), „ღირსი სვიმეონ ახალი ღვთისმეტყველი და მართლმადიდებლური გარდამოცემა“ (1998 წ.), „მართლმადიდებლური ღვთისმეტყველება ეპოქათა ზღვარზე“ (1999 წ.), „ეკლესიის წმინდა საიდუმლო. სახელმადიდებლობის დავების ისტორიისა და პრობლემატიკის შესავალი“ ( 2 ტომად, 2002 წ.), „რისი სწამთ მართლმადიდებელ ქრისტიანებს. კატეხიზატორული საუბრები“ (2004 წ.), „მართლმადიდებლობა“ (2 ტომად, 2008-2009 წწ.), „პატრიარქი კირილე. ცხოვრება და მსოფლმხედველობა“ (2009 წ.), „იესო ქრისტე. ცხოვრება და სწავლება (6 ტომად, 2016-2017 წწ.), „ქადაგებები“ (3 ტომად, 2016-2018 წწ.), „კატეხიზმო. მართლმადიდებლური სარწმუნოების მოკლე გზამკვლევი“ (2017 წ.), „მოციქული პავლე. ბიოგრაფია“ (2017 წ.), „მოციქული პეტრე. ბიოგრაფია“ (2018 წ.), „მადლი და სჯული. პავლე მოციქულის რომაელთა მიმართ ეპისტოლის განმარტება“ (2018 წ.), „ლიტურგია. იოანე ოქროპირისა და ბასილი დიდი ლიტურგიების ისტორიული და ღვთისმეტყველური კომენტარები“ (2018 წ.), „იოანეს სახარება. ისტორიული და ღვთისმეტყველური კომენტარები“ (2018 წ.), „იესო ქრისტე. ბიოგრაფია“ (სერიიდან „გამოჩენილი ადამიანების ცხოვრება“, 2019 წ.), „პატრიარქი კირილე. ბიოგრაფია“ (სერიიდან „გამოჩენილი ადამიანების ცხოვრება“, 2019 წ.) და სხვ. ей», 2019), «Патриарх Кирилл. Биография» (из серии «Жизнь замечательных людей», 2019) и другие.


მისი ბევრი წიგნი თარგმნილია უცხოურ ენებზე.


მიტროპოლიტ ილარიონის ნაშრომები

ჯილდოები

    • 1996 და 1999 წწ. – მოსკოვისა და სრულიად რუსეთის უწმინდესი პატრიარქის სიგელი


    • 2016 წლის 24 ივლისი – წმინდა ალექსის, მოსკოვის მიტროპოლიტის, II ხარისხის ორდენი


    • 2019 წლის 26 თებერვალი – წმინდა კეთილმსახური მთავრის დანიელ მოსკოველის II ხარისხის ორდენი


    • 2021 წლის 18 მაისი – წმინდა ალექსანდრე ნეველის ორდენი


    • 2010 წ. მოსკოვის საპატრიარქოს ესტონეთის მართლმადიდებელი ეკლესია – მღვდელმოწამე ისიდორე იურიევის II ხარისხის ორდენი


    • 2010 წ. მოლდოვეთის მართლმადიდებელი ეკლესია –
      წმინდა კეთილმსახური მხედართმთავრის სტეფანე დიდის II ხარისხის ორდენი (მოლდოვეთის მართლმადიდებელი ეკლესია)


    • 2003 წ. პოლონეთის მართლმადიდებელი ეკლესია – წმინდა მთავრის კონსტანტინე ოსტროჟელის მედალი


    • 2009 წ. მართლმადიდებელი ეკლესია ამერიკაში – წმინდა მღვდელთმთავრის ინოკენტი მოსკოველის II ხარისხის ორდენი


    • 2010 წ. ალექსანდრიის მართლმადიდებელი ეკლესია – წმინდა მოციქულისა და მახარებლის მარკოზის II ხარისხის ორდენი


    • 2011 წ. ანტიოქიის მართლმადიდებელი ეკლესია – წმინდა თავთა მოციქულთა პეტრესა და პავლეს II ხარისხის ორდენი


    • 2011 წ. ჩეხეთის მიწებისა და სლოვანეთის მართლმადიდებელი ეკლესია – წმინდა მოციქულთასწორთა კირილესა და მეთოდეს ორდენი ოქროს ვარსკვლავით

მუსიკალური ნაწარმოებები

მიტროპოლიტი ილარიონი მთელი რიგი მუსიკალური ნაწარმოებების ავტორია, მათ შორისაა „საღვთო ლიტურგია“ და „შუაღამიანის მღვიძარება“ გუნდისათვის აკომპანიმენტის გარეშე, „გალობა აღსავალთა“ გუნდისა და ორკესტრისათვის. ორატორია „ვნებანი მათეს მიხევდით“ სოლისტების, გუნდისა და ორკესტრისათვის, „საშობაო ორატორია“ ბიჭების გუნდისათვის, შერეული გუნდისათვის, სიმფონიური ორკესტრისთვის.

"„ვნებანი მათეს მიხედვით“"
ვოლოკოლამსკის მიტოპოლიტი ილარიონი შეხვდა ბელგიის ელჩს რუსეთში

20.07.2021

ვოლოკოლამსკის მიტოპოლიტი ილარიონი შეხვდა გერმანიის ელჩს რუსეთში

20.07.2021

საერთაშორისო თანამშრომლობასთან დაკავშირებით, შედგა რელიგიურ გაეთიანებებთან ურთიერთქმედების საკითხებში პრეზიდენტის საბჭოს კომისიის მორიგი სხდომა

20.07.2021

მიტროპოლიტი ილარიონი: მსოფლიოს მთელ რიგ ქვეყნებში ქრისტიანები ტრაგიკულ მდგომარეობაში იმყოფებიან

18.07.2021

დასრულდა სსკგ-ს თავმჯდომარის სამუშაო ვიზიტი ამერიკაში

16.07.2021

სსკგ-ს თავმჯდომარე შეხვდა უფლებადამცველი ორგანიზაციის – Open Doors პრეზიდენტს

15.07.2021

მიტროპოლიტ ილარიონის სამძიმარი პეტრე მამონოვის გარდაცვალებასთან დაკავშირებით

15.07.2021

სსკგ-ს თავმჯდომარე სიტყვით გამოვიდა რელიგიური თავისუფლების საკითხებთან დაკავშირებით ვაშინგტონში გამართულ საერთაშორისო სამიტზე

15.07.2021

მიტროპოლიტმა ილარიონმა ამერიკისა და სრულიად კანადის უნეტარეს მიტროპოლიტ ტიხონს თანამწირველობა გაუწია ნიუ-იორკის წმინდა ნიკოლოზის სახელობის ტაძარში

12.07.2021

ხელი მოეწერა შეთანხმებას თეოლოგიის სამეცნიერო-საგანმანათლებლო ასოციაციასა და რუსეთის მართლმადიდებელი ეკლესიის სასწავლო კომიტეტს შორის

09.07.2021

გამოვიდა 2021 წლის მეორე ნომერი ჟურნალისა „თეოლოგიის საკითხები“

02.07.2021

მიტროპოლიტი ილარიონი: სიწმინდე - ეს არის მუდმივი სწრაფვა, მიბაძო უფალ იესო ქრისტეს

27.06.2021

მოსკოვში გაიმართა ვოლოკოლამსკის მიტროპოლიტ ილარიონის წიგნის – „დოსტოევსკის სახარება“ პრეზენტაცია

23.06.2021

მიტროპოლიტი ილარიონი: სულიწმიდა ზეცნობიერად მოქმედებს ადამიანზე

20.06.2021

რუსეთის ეკლესიის დელეგაცია მონაწილეობას მიიღებს კონფერენციაში თემაზე – ჯანმრთელობისა და ავადმყოფობის ქრისტიანული გაგება

17.06.2021

გალერეა

უკუკავშირი

ველები მონიშნულია * შევსება აუცილებელია

გაგზავნეთ მიმართვა