მოსკოვის საპატრიარქო
დაიწყო ვოლოკოლამსკის მიტროპოლიტ ანტონის ვიზიტი საქართველოში
სსკგ-ის კომუნიკაციის სამსახური, 30.09.2026. 2026 წლის 28 სექტემბერს მოსკოვისა და სრულიად რუსეთის უწმინდეს პატრიარქ კირილეს ლოცვა-კურთხევით მოსკოვის საპატრიარქოს საგარეო საეკლესიო კავშირების განყოფილების თავმჯდომარე, ვოლოკოლამსკის მიტროპოლიტი ანტონი საქართველოს ეწვია. მოგზაურობაში მას თან ახლავს მოსკოვისა და სრულიად რუსეთის პატრიარქის მრჩეველი, დეკანოზი ნიკოლოზ ბალაშოვი; სსკგ-ის თავმჯდომარის მოადგილე, დეკანოზი იგორ იაკიმჩუკი; სსკგ-ის თავმჯდომარის მდივანი, მღვდელი ნიკოლოზ ვასინი.
თბილისის საერთაშორისო აეროპორტში რუსეთის მართლმადიდებელი ეკლესიის სტუმრებს დახვდნენ გორისა და ატენის მიტროპოლიტი ანდრია, დეკანოზი კახაბერ გოგოტიშვილი, რუსეთის მართლმადიდებელი ეკლესიის კლირიკოსი თბილისში დეკანოზი ვლადიმერ ალექსანდროვი, ასევე რუსეთის ფედერაციის ინტერესების სექციის ხელმძღვანელი საქართველოში შვეიცარიის კონფედერაციის საელჩოსთან დ.ა. ოლისოვი.
29 სექტემბერს მიტროპოლიტმა ანტონიმ და მისმა თანამგზავრებმა მოილოცეს ქალაქი მცხეთა. საქართველოს უძველესი დედაქალაქისკენ მიმავალ გზაზე მათ ჯვრის მონასტერი მოილოცეს.
შემდეგ, გორისა და ატენის მიტროპოლიტ ანდრიას თანხლებით მომლოცველებმა სვეტიცხოვლის თორმეტი მოციქულის საკათედრო ტაძარი და სამთავროს მონასტერი მოილოცეს, სადაც თაყვანი სცეს წმინდა მოციქულთასწორთა მეფე მირიანისა და დედოფალ ნანასა და ღირსი გაბრიელ სამთავროელის წმინდა ნაწილებს.
დღის მეორე ნახევარში სსკგ-ის თავმჯდომარე და მისი თანმხლები პირები გორის ეპარქიას ეწვივნენ. ქ. გორის ყოვლადწმინდა ღვთისმშობლის შობის საკათედრო ტაძარში ისინი გორისა და ატენის მიტროპოლიტმა ანდრიამ მიიღო. შემდეგ მიტროპოლიტმა ანდრიამ სტუმრებს ეკლესიის მუზეუმი და ეპარქიის რეზიდენცია დაათვალიერებინა, ასევე, ღირსი გიორგი მთაწმინდელის სახ. მართლმადიდებლური გიმნაზია, სადაც ვოლოკოლამსკის მიტროპოლიტმა ანტონიმ საპატიო სტუმრების წიგნში ჩანაწერი დატოვა.
ამის შემდეგ სტუმრერბი ატენის სიონის დედათა მონასტერს ეწვივნენ. მიტროპოლიტმა ანტონიმ და მისმა თანმხლებმა პირებმა VII საუკუნეში აშენებული და XI საუკუნის ფრესკებით მორთული უძველესი მიძინების ტაძარი მოილოცეს.