უწმინდეს პატრიარქის კირილეს თავმჯდომარეობით უმაღლესი საეკლესიო საბჭოს მორიგი სხდომა გაიმართა

სსკგ-ის კომუნიკაციის სამსახური, 17.09.2026. 2026 წლის 17 სექტემბერს მოსკოვში ქრისტე მაცხოვრის საკათედრო ტაძრის უმაღლესი საეკლესიო საბჭოს დარბაზში მოსკოვისა და სრულიად რუსეთის უწმინდესი პატრიარქის, კირილეს თავმჯდომარეობით რუსეთის მართლმადიდებელი ეკლესიის უმაღლესი საეკლესიო საბჭოს მორიგი სხდომა გაიმართა.

როგორც პატრიარქის პრეს-სამსახური იტყობინება, სხდომის დღის წესრიგი შემდეგ თემებს შეიცავს:

„ხელოვნური ინტელექტი: რეალობა, რისკები, შესაძლებლობები“: შესავალი სიტყვა – ბიოეთიკის სინოდალური კომისიის თავმჯდომარე, პეტერგოფის ეპისკოპოსი სილუანე; მომხსენებელი – ბიოეთიკის სინოდალური კომისიის მდივანი, დეკანოზი ალექსანდრე აბრამოვი; მოწვეული ექსპერტი –სისტემური პროგრამირების ინსტიტუტის დირექტორი, რუსეთის მეცნიერებათა აკადემიის აკადემიკოსი ა.ი. ავეტისიანი;

„ბიბლიის შესწავლის საპატრიარქო პროგრამა“: მომხსენებელი – რელიგიური განათლებისა და კატეხიზაციის სინოდალური განყოფილების თავმჯდომარე, ეკატერინბურგისა და ვერხოტურის მიტროპოლიტი ევგენი.

სხდომის გახსნისას, რუსეთის მართლმადიდებელი ეკლესიის წინამძღვარი მონაწილეებს მიესალმა და აღნიშნა, რომ დღის წესრიგის ერთ-ერთი მთავარი საკითხი ხელოვნური ინტელექტის თემაა: „მივესალმები ყოვლადუსამღვდელოეს მეუფეებს, მამებს, ძმებს, უმაღლესი საეკლესიო საბჭოს დღევანდელი სხდომის ყველა მონაწილეს! ჩვენი დღევანდელი დღის წესრიგი საკმაოდ რთულ საკითხებს მოიცავს... ერთ-ერთი თემა, რომელსაც დღეს განვიხილავთ, უდიდესი მნიშვნელობისაა – არა მხოლოდ აწმყოსთვის, არამედ მთლიანად კაცობრიობის მომავლისთვისაც“.

უწმინდესმა პატრიარქმა ასევე აღნიშნა, მიუხედავად იმისა, რომ ხელოვნური ინტელექტის თემას ძირითადად სამეცნიერო საზოგადოების წარმომადგენლები განიხილავენ, ის მაინც ყველას აღელვებს, ვისაც საკუთარი სიცოცხლე, ახლობლების ბედი და საზოგადოების კეთილდღეობა ადარდებს.

უმაღლესი საეკლესიო საბჭოს შემადგენლობაში, რომელსაც უწმინდესი პატრიარქი თავმჯდომარეობს, შედიან:

მოსკოვის საპატრიარქოს ახლო საზღვარგარეთის ეპარქიების საქმეთა სამმართველოს ხელმძღვანელი, კრუტიცისა და კოლომნის მიტროპოლიტი პავლე;

მოსკოვის საპატრიარქოს საქმეთა მმართველი, ვოსკრესენსკის მიტროპოლიტი გრიგოლი;

მოსკოვის საპატრიარქოს საგარეო საეკლესიო კავშირების განყოფილების თავმჯდომარე, ვოლოკოლამსკის მიტროპოლიტი ანტონი;

მოსკოვის საპატრიარქოს ფინანსური და სამეურნეო სამმართველოს თავმჯდომარე, ვლადიმირისა და სუზდალის მიტროპოლიტი ნიკანდრე;

რუსეთის მართლმადიდებელი ეკლესიის გამომცემლობის საბჭოს თავმჯდომარე, კალუგისა და ბოროვსკის მიტროპოლიტი კლიმენტი;

მონასტრებისა და მონაზვნობის სინოდალური განყოფილების თავმჯდომარე, კაშირის მიტროპოლიტი თეოგნოსტე;

კაზაკებთან თანამშრომლობის სინოდალური კომიტეტის თავმჯდომარე, შეიარაღებულ ძალებთან და სამართალდამცავ ორგანოებთან თანამშრომლობის სინოდალური განყოფილების თავმჯდომარე, სტავროპოლისა და ნევინომისკის მიტროპოლიტი კირილე;

ფიზიკური კულტურისა და სპორტის საპატრიარქო კომისიის თავმჯდომარე, მურმანსკისა და მონჩეგორსკის მიტროპოლიტი მიტროფანე;

კულტურის საპატრიარქო საბჭოს თავმჯდომარე, სიმფეროპოლისა და ყირიმის მიტროპოლიტი ტიხონი;

რელიგიური განათლებისა და კატეხეზაციის სინოდალური განყოფილების თავმჯდომარე ,ეკატერინბურგისა და ვერხოტურის მიტროპოლიტი ევგენი;

მოსკოვის საპატრიარქოს ადმინისტრაციული სამდივნოს ხელმძღვანელი, ოდინცოვოსა და კრასნოგორსკის მთავარეპისკოპოსი თომა;

სინოდალური მისიონერული განყოფილების თავმჯდომარე, ზელენოგრადის მთავარეპისკოპოსი საბა;

რუსეთის მართლმადიდებელი ეკლესიის სასწავლო კომიტეტის თავმჯდომარე, დეკანოზი მაქსიმე კოზლოვი;

ეკლესიის ქველმოქმედებისა და სოციალური სამსახურის სინოდალური განყოფილების თავმჯდომარე, დეკანოზი მიხეილ პოტოკინი;

ციხის მსახურების სინოდალური განყოფილების თავმჯდომარე, მღვდელი კირილ მარკოვსკი;

ახალგაზრდობის საქმეთა სინოდალური განყოფილების თავმჯდომარის მოვალეობის შემსრულებელი, მღვდელმონაზონი ფილარეტი (ზუბოვი);

ეკლესიის საზოგადოებასა და მედიასთან ურთიერთობის სინოდალური განყოფილების თავმჯდომარე, ვ.რ. ლეგოიდა;

მოსკოვის საპატრიარქოს იურიდიული სამმართველოს ხელმძღვანელი, იღუმენია ქსენია (ჩერნეგა).

შეხვედრაზე მოწვეულნი არიან: მოსკოვის საპატრიარქოს გამომცემლობის ხელმძღვანელი და მთავარი რედაქტორი, ბალაშიხისა და ორეხოვო-ზუევოს ეპისკოპოსი ნიკოლოზი; ბიოეთიკის სინოდალური კომისიის თავმჯდომარე, პეტერგოფის ეპისკოპოსი სილუანე; მოსკოვის საპატრიარქოს საგარეო საეკლესიო კავშირების განყოფილების თავმჯდომარის მოადგილე დეკანოზი იგორ იაკიმჩუკი; ბიოეთიკის სინოდალური კომისიის მდივანი დეკანოზი ალექსანდრე აბრამოვი; სისტემური პროგრამირების ინსტიტუტის დირექტორი, რუსეთის მეცნიერებათა აკადემიის აკადემიკოსი ა.ი. ავეტისიანი; საზოგადოებასა და მედიასთან ეკლესიის ურთიერთობის სინოდალური განყოფილების თავმჯდომარის პირველი მოადგილე ა.ვ. შჩიპკოვი; საზოგადოებასა და მედიასთან ეკლესიის ურთიერთობის სინოდალური განყოფილების თავმჯდომარის მოადგილე ვ.ვ. ყიფშიძე,

მოსკოვისა და სრულიად რუსეთის პატრიარქის პრესსამსახურის ფოტო