მოსკოვის საპატრიარქო
საპატრიარქოს აფრიკის საეგზარქოსოს ეპისკოპოსები რუსეთ-აფრიკის ფორუმის პლენარულ სხდომას დაესწრნენ
სსკგ-ის კომუნიკაციის სამსახური, 29.10.2026. 28 ოქტომბერს, მოსკოვში, „გოსტინი დვორის“ საგამოფენო ცენტრში, რუსეთის ფედერაციის პრეზიდენტ ვ. ვ. პუტინის თავმჯდომარეობით რუსეთ-აფრიკის ეკონომიკური და ჰუმანიტარული ფორუმის პლენარული სხდომა გაიმართა.
სიტყვით გამოვიდა ასევე აფრიკის კავშირის თავმჯდომარე, ბურუნდის რესპუბლიკის პრეზიდენტი, ევარისტე ნდაიშიმიე.
შეხვედრას მრავალი სტუმარი დაესწრო, მათ შორის სახელმწიფოს მეთაურები და რუსეთისა და აფრიკის სამთავრობო უწყებების წარმომადგენლები.
საეგზარქოსოს ტელეგრამ-არხის ცნობით, ღონისძიების მონაწილეებს შორის იყვნენ აფრიკის საპატრიარქო ეგზარქოსი, კაიროსა და ჩრდილოეთ აფრიკის მიტროპოლიტი კონსტანტინე და საპატრიარქოს აფრიკის საეგზარქოსოს ვიკარიუსი. ლუხოვიცის ეპისკოპოსი ეფთვიმე.
ამ ფორუმთან დაკავშირებულ საპატრიარქოს აფრიკის საეგზარქოსოს ღონისძიებებში აფრიკის კონტინენტის თერთმეტი ქვეყნის სასულიერო პირთა დელეგაციის წევრები მონაწილეობდნენ. 27 ოქტომბერს მოსკოვისა და სრულიად რუსეთის უწმინდეს პატრიარქ კირილეს ლოცვა-კურთხევით მოსკოვში თექვსმეტი დელეგატი ჩავიდა.
სასტუმრო „დანილოვსკაიაში“ სასულიერო პირთა ჯგუფს აფრიკის საპატრიარქო ეგზარქოსი, კაიროსა და ჩრდილოეთ აფრიკის მიტროპოლიტი კონსტანტინე დახვდა. მისი მაღალყოვლადუსამღვდელოება მღვდელმსახურებს თბილად მიესალმა და ორგანიზაციულ საკითხებთან დაკავშირებით საერთო კრება ჩაატარა.
დელეგაციის შემადგენლობაში შედიან: საპატრიარქოს აფრიკის საეგზარქოსოს ვიკარიუსი და ეგვიპტის საეკლესიო ოლქის კეთილმოწესე, ლუხოვიცის ეპისკოპოსი ეფთვიმე, საეგზარქოსოს კლირიკოსები სამხრეთ აფრიკის რესპუბლიკიდან, მავრიკიიდან, ზამბიიდან, ნიგერიიდან, კენიიდან, უგანდედან, ტანზანიიდან, კამერუნიდან, ცენტრალური აფრიკის რესპუბლიკიდან და კოტ-დივუარედან, მათ შორის რუსეთის მართლმადიდებელი ეკლესიის 13 სოციალური დაწესებულების (საგანმანათლებლო ცენტრებისა და თავშესაფრების) ხელმძღვანელები აფრიკის ქვეყნებიდან.
ფოტო: რუსეთის პრეზიდენტის პრეს-სამსახური, რია ნოვოსტი, ილია ბელოვი