მოსკოვის საპატრიარქო
შტუტგარტის ეპისკოპოსი იობი განცხადებით გამოვიდა სვიატოგორსკის ლავრაში ბერმონოზვნის მკვლელობასთან დაკავშირებით
სსკგ-ის კომუნიკაციის სამსახური, 01.09.2026. შტუტგარტის ეპისკოპოსმა იობმა განცხადება გაავრცელა სვიატოგორსკის ლავრაში მომხდარ მოვლენებთან დაკავშირებით.
როგორც ადრე გახდა ცნობილი, 23 აგვისტოს, დაახლოებით დილის 11:00 საათზე, წმინდა ნიკოლოზის ტაძრის მახლობლად, სვიატოგორსკის მიძინების ლავრის ტერიტორიაზე უცნობი პირების ჯგუფმი თავს დაესხა მონასტრის ბინადრებს. მოკლულია ბერმონოზონი ბარსანოფი (ტურიანსკი), დაჭრილები არიან ბერი გრიგოლი და მონასტერში მცხოვრები ლტოლვილი ანდრია კირიენკო.
„რუსეთის მართლმადიდებელი ეკლესიის საზღვარგარეთის გერმანიის ეპარქია დიდი ხანია ჰუმანიტარულ დახმარებას უგზავნის სვიატოგორსკის ლავრას, რომელიც მრავალ ლტოლვილზე ზრუნავს. ახალმა განსაცდელმა, რომელიც თავს დაატყდა ლავრის საძმოს, თვზარი დაგვცა არა მხოლოდ ჩვენ, არამედ მთელ მართლმადიდებლურ სამყაროს. ჩვენ ვხედავთ, რომ მართლმადიდებელი ეკლესიების ბევრი წარმომადგენელი გულისტკივილით გამოეხმაურა აღნიშნულ ამბავს“, – ნათქვამია შტუტგარტის ეპისკოპოს იობის განცხადებაში, რომელიც გამოქვეყნდა გერმანიის ეპარქიის ვებ-გვერდზე.
იმავდროულად, ამ საკითხთან დაკავშირებით შეინიშნება უკრაინული მედიის შედარებითი დუმილი და გერმანული მედიის სრული დუმილი, –აღნიშნულია პუბლიკაციაში.
„ჩვენ ვცხოვრობთ საინფორმაციო პროპაგანდის აქამდე არნახულ და ომის უპრეცედენტო დონის ეპოქაში. მოკლეს ბერმონოზონი, რომელიც უკრაინული ნაციონალიზმის თვალსაზრისით არაკანონიკური ეკლესიიის წევრი იყო. დაუნდობელი და, შემიძლია ვივარაუდო, დაუსჯელი ანგარიშსწორება იმ ეკლესიის წარმომადგენლის წინააღმდეგ, რომელიც მრავალი წელია უკრაინაში სახელმწიფო აკრძალვის ზღვარზე დგას, გვაბრუნებს ადრეული ქრისტიანობის ხანაში, როდესაც religio illicita-ს –აკრძალული რელიგიების – წარმომადგენლები უნდა გაენადგურებინათ საზოგადოების საკეთილდღეოდ“, – აცხადებს შტუტგარტის ეპისკოპოსი იობი.
„თუ ერთ-ერთი მსხვერპლის ზემოთ მოყვანილი ჩვენება სიმართლეა, მაშინ მღვდელმონოზონი ბარსანოფი მოწამეა ამ სიტყვის ჭეშმარიტი გაგებით: ის არის ქრისტეს ჭეშმარიტების მოწმე (martys). ხოლო ქრისტეს ჭეშმარიტება უკუნითი უკუნისამდე მყოფობს და ბჭენი ჯოჯოხეთისანი ვერ ერეოდიან მას (მთ. 16:18), – მოწმობს ეპისკოპოსი იობი.