მოსკოვის საპატრიარქო
დასრულდა რუსეთში სერბეთის საპატრიარქოს სამეცნიერო დელეგაციის ვიზიტი
სსკგ-ის კომუნიკაციის სამსახური, 25.02.2026. 2026 წლის 15-23 თებერვალს, სერბეთის მართლმადიდებელი ეკლესიის წმინდა სინოდის კურთხევით და მოსკოვის საპატრიარქოს საგარეო საეკლესიო კავშირების განყოფილებასთან თანამშრომლობით, რუსეთს სტუმრობდა სერბეთის საპატრიარქოს სამეცნიერო დელეგაცია. მის შემადგენლობაში შედიოდნენ სერბეთის საპატრიარქოს ბიბლიოთეკის დირექტორი, დოქტორი ზორან ნედელკოვიჩი, დეკანოზი დოქტორი ზორან რანკოვიჩი და დოქტორი ა. რაშკოვიჩი.
16 თებერვალს, როდესაც დელეგაცია ეწვია სახელმწიფო ისტორიულ მუზეუმს, თანამშრომლობის ხელშეკრულება დაიდო სერბეთის საპატრიარქოს ბიბლიოთეკასა და ამ რუსულ სამეცნიერო დაწესებულებას შორის. მათ ასევე სამი დღე მიუძღვნეს სიმ-ის ფონდებში დაცული სერბული ხელნაწერების მემკვიდრეობის შესწავლას.
17 თებერვალს სერბეთიდან ჩამოსულმა სტუმრებმა სავინო-სტოროჟევსკის სტავროპიგიალური მონასტერი მოილოცეს, თაყვანი სცეს ღირსი საბა სტოროჟევსკის წმინდა ნაწილებს და გაეცნენ მონასტრის ღირსშესანიშნაობებს. იმავე საღამოს მომლოცველები ეწვივნენ პოკროვსკის სტავროპიგიალურ დედათა მონასტერს, სადაც თაყვანი სცეს ნეტარი მატრონა მოსკოველის წმინდა ნაწილებს.
18 თებერვალს, ზ. ნედელიკოვიჩმა და ა. რაშკოვიჩმა მოინახულეს წმინდა სერგის წმინდა სამების ლავრა და მოსკოვის სასულიერო აკადემია, სადაც შეხვდნენ მსა-ის ბიბლიოთეკის დირექტორს, პ.ა. ტურკინს.
19 თებერვლის საღამოს, სერბეთის საეკლესიო-სამეცნიერო დელეგაცია ჩავიდა სანქტ-პეტერბურგში, სადაც მომდევნო ორი დღის განმავლობაში მოლაპარაკებები გამართა რუსეთის ეროვნული ბიბლიოთეკის და რუსეთის მეცნიერებათა აკადემიის ბიბლიოთეკის ხელმძღვანელობასთან. სანქტ-პეტერბურგის სასულიერო აკადემიის სერბი სტუდენტების თანხლებით, მათ ასევე მოილოცეს ყაზანის საკათედრო ტაძარი, წმინდა ისააკის საკათედრო ტაძარი, წმინდა იოანეს სტავროპიგიალური დედათა მონასტერი, ქრისტეს აღდგომის ტაძარი, ნეტარი ქსენია პეტერბურგელის სამლოცველო სმოლენსკის სასაფლაოზე და პეტრე-პავლეს ციხესიმაგრე.
22 თებერვალს, ყველიერის კვირას, მოსკოვში დაბრუნების შემდეგ, სერბმა მეცნიერებმა მოილოცეს მოციქულთა თავთა პეტრესა და პავლეს ტაძარი იაუზას კარიბჭესთან – სერბეთის მართლმადიდებელი ეკლესიის მეტოქიონი, სადაც დეკანოზმა ზორან რანკოვიჩმა თანამწირველობა გაუწია ტაძრის სამღვდელოებას საღმრთო ლიტურგიაზე.
23 თებერვალს სერბეთის საპატრიარქოს სამეცნიერო დელეგაცია სამშობლოში გაემგზავრა.
მოსკოვში ყოფნის დროს ბელგრადელ სტუმრებს უშუალო მასპინძლობას უწევდა სსკგ-ის სამდივნოს თანამშრომელი მართლმადიდებლურ ურთიერთობათა საკითხებში იუ. ხოშევი.