რუსეთის მართლმადიდებელი ეკლესიის დელეგაციამ მონაწილეობა მიიღო საქართველოში ქრისტიანობის სახელმწიფო რელიგიად გამოცხადების 1700 წლისთავის დღესასწაულში

სსკგ-ის კომუკნიკაციის სამსახური, 15.10.2026. 2026 წლის 12 ოქტომბერს საქართველოში ქრისტიანობის სახელმწიფო რელიგიად გამოცხადების 1700 წლის იუბილესადმი მიძღვნილ ღონისძიებებში მონაწილეობის მისღებად, მოსკოვისა და სრულიად რუსეთის უწმინდესი პატრიარქის, კირილეს ლოცვა-კურთხევით, თბილისს ეწვია მოსკოვის საპატრიარქოს ოფიციალური დელეგაცია. დელეგაციის შემადგენლობაში შედიოდნენ ნიჟნი ნოვგოროდისა და არზამასის მიტროპოლიტი გიორგი; საგარეო ეკლესიის კავშირების განყოფილების თავმჯდომარის მოადგილე, მდეკანოზი იგორ იაკიმჩუკი; ნიჟნი ნოვგოროდის ეპარქიის კლირიკოსები – მღვდელი არტემი მუჟიჩენკოვი და პროტოდიაკონი სერგი გურიანოვი.

შოთა რუსთაველის აეროპორტში დელეგაციას დახვდნენ მიტროპოლიტი ამბა ალავერდელი დავითი, რუსეთის ინტერესების სექციის მეთაური საქართველოში შვეიცასარიის საელჩოსთან დ.ა. ოლისოვი, რუსეთის მართლმადიდებელი ეკლესიის კლირიკოსი თბილისში დეკანოზი ვლადიმერ ალექსანდროვი და ხახულის ღვთისმშობლის ხატის მონასტრის (ასევე ცნობილი როგორც ახალი შუამთა) წინამძღვარი სქემიღუმენია იოანა.

13 ოქტომბერს, რუსეთის მართლმადიდებელი ეკლესიის დელეგაცია ეწვია სიონის საკათედრო ტაძარს, სადაც ნიჟნი ნოვგოროდისა და არზამასის მიტროპოლიტმა გიორგიმ, სერბეთის მართლმადიდებელი ეკლესიის იერარქების, ბუდიმისა და ნიკშიჩის მიტროპოლიტ მეთოდესა და რემეზიანის ეპისკოპოს სტეფანეს თანამსახურებით, პანაშვიდი გადაიხადა მარადსახსენებელი უწმინდესისა და უნეტარესის, სრულიად საქართველოს კათოლიკოს-პატრიარქის, ილია II-ის (†2026) საფლავზე.

შემდეგ მოსკოვის საპატრიარქოს დელეგაციამ მონაწილეობა მიიღო საქართველოს მართლმადიდებელი ეკლესიის წინამძღვრის, უწმინდესისა და უნეტარესის, სრულიად საქართველოს კათოლიკოს-პატრიარქის, შიო III-ის და ადგილობრივი მართლმადიდებელი ეკლესიების ზოგიერთი დელეგაციის შეხვედრაში, რომლებიც დღესასწაულზე ჩამოვიდნენ. შეხვედრას ესწრებოდნენ შემდეგი ადგილობრივი მართლმადიდებელი ეკლესიების იერარქები: იერუსალიმის ეკლესიიდან – კაპიტოლიადის მიტროპოლიტი ისიქიოსი; სერბეთის ეკლესიიიდან – ბუდიმისა და ნიკშიჩის მიტროპოლიტი მეთოდე და რემეზიანის ეპისკოპოსი სტეფანე; რუმინეთის ეკლესიიდან – ტირიგოვიშტის მიტროპოლიტი ნიფონი; ბულგარეთის ეკლესიიდან – დასავლეთ და ცენტრალური ევროპის მიტროპოლიტი ანტონი და ველიჩის ეპისკოპოსი სიონიოსი; ალბანეთის ეკლესიიდან – აპოლონიისა და ფერიის მიტროპოლიტი ნიკოლოზი. საქართველოს საპატრიარქოს წარმოადგენდნენ მიტროპოლიტი ამბა ალავერდელი დავითი, ახალციხისა და ტაო-კლარჯეთის მიტროპოლიტი თეოდორე, ხონისა და სამტრედიის მიტროპოლიტი საბა, ზუგდიდისა და ცაიშის მიტროპოლიტი გერასიმე, ბელგიისა და ჰოლანდიის ეპისკოპოსი დოსითეოსი, ნიკორწმინდელი ეპისკოპოსი ვახტანგი, პროტოპრესვიტერი გიორგი ზვიადაძე და დეკანოზი ანდრეი ჯაღმაიძე.

დელეგაციების მისალმებისას, უწმინდესმა და უნეტარესმა, სრულიად საქართველოს კათოლიკოს-პატრიარქმა შიო III-მ, გამოხატა ღრმა მადლიერება მათი მონაწილეობისთვის დღესასწაულებში; მისი აზრით, ეს მნიშვნელოვანი წვლილია მართლმადიდებლობის ერთობის შენარჩუნებაში, რაც ახლა ესოდენ აუცილებელია. გასული 1700 წელი სავსე იყო მრავალი განსაცდელით საქართველოს მართლმადიდებელი ეკლესიისთვის, მაგრამ ღვთის დახმარებით მან შეინარჩუნა თავისი ყველაზე მთავარი – ხალხის რწმენა, რომელიც დღესაც მის სულიერ ბირთვად რჩება და მისი მომავლის საწინდარია.

ნიჟნი ნოვგოროდისა და არზამას მიტროპოლიტმა გიორგიმ, თავის მხრივ პატრიარქ შიოს გადასცა მოსკოვისა და სრულიად რუსეთის უწმინდესი პატრიარქის, კირილეს ძმური მოკითხვა. მან აღნიშნა, რომ დიდ პატივად მიიჩნევს ამ ისტორიულ დღესასწაულებში მონაწილეობას. საქართველოს, როგორც ღვთისმშობლის პირველ წილხვედრ ქვეყანას და ქართველ წმინდანებს რუსი მართლმადიდებლები გულმხურვალე პატივს სცემენ. თავისი სიტყვების დასადასტურებლად, ეპისკოპოსმა ისაუბრა ნიჟნი ნოვგოროდში ადგილობრივი ქართული თემისთვის მოციქულთასწორი წმინდა ნინოს სახელობის ტაძრის მშენებლობაზე და პატრიარქ შიოს ამ ტაძრის ფოტოალბომი გადასცა. ლოცვის მოსახსენიებლად რუსეთის მართლმადიდებელი ეკლესიის დელეგაციის ხელმძღვანელმა მის უწმინდესობასა და უნეტარესობას ღირსი სერაფიმე საროველის ხატი გადასცა.

იმავე დღეს მიტროპოლიტი გიორგი, ადგილობრივი მართლმადიდებელი ეკლესიების დელეგაციების ხელმძღვანელებთან ერთად, საქართველოს პრემიერ-მინისტრმა ი. კობახიძემ მიიღო.

14 ოქტომბერს, ქართველი ხალხის ნათლობის დღესასწაულზე, ადგილობრივი მართლმადიდებელი ეკლესიების დელეგაციების წევრებმა მონაწილეობა მიიღეს საზეიმო წირვა-ლოცვაში, საქართველოს უძველესი დედაქალაქის, მცხეთის მონასტრებში. ნიჟნი ნოვგოროდისა და არზამასის მიტროპოლიტმა გიორგიმ და ალავერდის მიტროპოლიტმა ამბა დავითმა საღმრთო ლიტურგია აღავლინეს სამთავროს მონასტრის უფლის ფერისცვალების საკათედრო ტაძარში. მათ თანამსახურება გაუწიეს დელეგაციის წევრმა სასულიერო პირებმა, რუსეთისა და საქართველოს მართლმადიდებელი ეკლესიების მღვდელოებამ. ლიტურგიის დასრულების შემდეგ მიტროპოლიტმა გიორგიმ თაყვანი სცა წმინდა მოციქულთასწორთა მეფე მირიანისა და დედოფალ ნანას, ასევე ღირსი გაბრიელ სამთავროელის წმინდა ნაწილებს, რომლებიც ამავე ტაძარშია დავანებული.

შემდეგ დელეგაცია სვეტიცხოვლის საკათედრო ტაძარში მიბრძანდა, სადაც მისასალმებელი სიტყვებით გამოვიდნენ უწმინდესი და უნეტარესი კათოლიკოს-პატრიარქი შიო III-მ, ჩეხეთის მიწებისა და სლოვაკეთის უნეტარესი მიტროპოლიტი როსტისლავი და სხვებმა.

საღამოს საზეიმო მიღება გაიმართა, რომელშიც მონაწილეობდნენ უწმინდესი და უნეტარესი სრულიად საქართველოს კათოლიკოს-პატრიარქი შიო და საქართველოს საპატრიარქოს იერარქები, ჩეხეთის მიწებისა და სლოვაკეთის უნეტარესი მიტროპოლიტი როსტისლავი, ადგილობრივი მართლმადიდებელი ეკლესიების დელეგაციები, საქართველოს პრეზიდენტი მ. ყაველაშვილი, საქართველოს მთავრობისა და პარლამენტის წევრები, უცხოდმადიდებელი ქრისტიანული კონფესიებისა და რელიგიური გაერთიანებების წარმომადგენლები და დიპლომატიური კორპუსი.

მიღებაზე სიტყვით გამოვიდნენ უწმინდესი და უნეტარესი პატრიარქი შიო, საქართველოს პრეზიდენტი მ. ყაველაშვილი და ადგილობრივი მართლმადიდებელი ეკლესიების დელეგაციების ხელმძღვანელები. ნიჟნი ნოვგოროდისა და არზამასის მიტროპოლიტმა გიორგიმ მოსკოვისა და სრულიად რუსეთის უწმინდესი პატრიარქის, კირილეს სახელით მისალოცი სიტყვა წარმოთქვა და ყველას მიულოცა ეს მნიშვნელოვანი თარიღი –საქართველოს მიერ ქრისტიანობის მიღების 1700 წლისთავი.

„მართლმადიდებლურმა სარწმუნოებამ, რომელიც საქართველოს მიწაზე წმინდა მოციქულთასწორ ნინოს, კეთილმორწმუნე მეფე მირიანისა და მრავალი სხვა ღვთისსათნო წმინდანის ღვაწლით დამკვიდრდა, განსაზღვრა ქართველი ხალხის თვითმყოფადობა, ჩამოაყალიბა მისი უნიკალური კულტურას და გახდა მისი გამძლეობის გასაღები იმ განსაცდელების წინაშე, რომლებიც მან გადაიტანა მთელი თავისი ხანგრძლივი ისტორიის მანძილზე“ – აღნიშნა მიტროპოლიტმა გიორგიმ.

ღვთისადმი მადლიერებით, რუსეთის მართლმადიდებელი ეკლესიის დელეგაციის ხელმძღვანელმა ხაზი გაუსვა იმასაც, რომ დღესაც ქრისტიანობა საქართველოში წარმოადგენს არა წარსულის მონაპოვარს, არამედ ცოცხალ ტრადიციას, აყვავებულ ლეღვის ხეს, რომელიც განაგრძობს უხვი ნაყოფის გამოღებას. „ამის ნათელ დადასტურებას ვხედავთ მისი უწმინდესობისა და უნეტარესობის, კათოლიკოს-პატრიარქი ილია II-ის თითქმის ნახევარსაუკუნოვან პირველმღვდელმთავრულ მსახურებაში, რომელიც გახდა ქართველი ხალხის ჭეშმარიტი მამა და მისი სულიერი ცხოვრების განმაახლებელი. ამა წლის მარტში მასთან საყოველთაო სახალხო გამომშვიდობებამ დაამოწმა ღრმა ღვთისმოსაობა ქართველი ხალხისა, რომელიც ფრიად უფრთხილდება წმინდა მართლმადიდებლობისადმი ერთგულებას და განზრახული აქვს თავისი მომავლის აშენება ქრისტიანული სარწმუნოების მყარ კლდეზე, – განაცხადა მეუფე გიორგიმ. – ჩვენ მოხარულები ვართ, რომ საქართველოს მართლმადიდებელი ეკლესიის წინამძღვრების უძველესი ტახტი ღირსეულად დაამშვენა ახალმა კათოლიკოს-პატრიარქმა, უწმინდესმა და უნეტარესმა შიომ, რომელიც წარმატებით აგრძელებს თავისი დიდი წინამორბედის მოღვაწეობას ქართველი ხალხისა და მთელი მართლმადიდებლობის საკეთილდღეოდ“.

მისი გამოსვლისას აღინიშნა, რომ საქართველოს საპატრიარქოსა და რუსეთის მართლმადიდებელ ეკლესიას დიდი ხანია აკავშირებთ კარგი ურთიერთობა, რომელიც უძველესი დროიდან იღებს სათავეს. რუსეთში ქართველ წმინდანებს ღრმა პატივს სცემენ თაყვანს და მართლმადიდებელი ქართველებიც პატივს სცემენ რუსეთის ეკლესიის წმინდანებს. „ჩვენ გვაერთიანებს საერთო ღირებულებები, საერთო წარსული და საერთო ხედვა მსოფლიო მართლმადიდებლობის წინაშე არსებულ თანამედროვე პრობლემებსა და გამოწვევებზე. ჩვენ ასევე გვაერთიანებს გაგება იმისა, რომ მიუხედავად ამქვეყნიური სტიქიებისა, ჩვენ უნდა ავაშენოთ ეკლესიური ერთობა წმინდა კანონებისა და შეურყვნელი სარწმუნოების ურყევ საფუძველზე“, დარწმუნებით განაცხადა ნიჟნი ნოვგოროდისა და არზამასის მიტროპოლიტმა გიორგიმ. დასასრულს მან თქვა: „ამ სადღესასწაულო დღეს, საქართველოს წმინდა ეკლესიასთან ერთად ვიზიარებთ ამ მნიშვნელოვანი მოვლენის სიხარულის და ლოცვით ვუსურვებთ მას შემდგომ კეთილდღეობას და უხვ სულიერი ნაყოფს, ხოლო ერთმორწმუნე საქართველოს ყველა ხალხს – მშვიდობას, თანხმობას და მრავალ კურთხევას ღვთისგან“.

15 ოქტომბერს, რუსეთის მართლმადიდებელი ეკლესიის დელეგაცია სამშობლოში გაემგზავრა.

ფოტო: გლებ პუშმენკოვი