მოსკოვის საპატრიარქო
სრემსკი კარლოვცის სასულიერო სემინარიის სტუდენტები და პროფესორ-მასწავლებლები მომლოცველობითი ვიზიტით ეწვივნენ რუსეთის მართლმადიდებელი ეკლესიის სიწმინდეებს
სსკგ-ის კომუნიკაციის სამსახური, 24.09.2026. 2026 წლის 14-22 სექტემბერს, სრემსკი კარლოვცის წმინდა არსენის სახ. სასულიერო სემინარიის სტუდენტებისა და პროფესორ-მასწავლებლების ჯგუფი მომლოცველობითი ვიზიტით რუსეთს ეწვია. მოგზაურობის 30 მონაწილეს შორის იყვნენ სასულიერო სასწავლებლის პედაგოგები, მღვდელი გიორგი მილიდრაგი, ი. სტოიანოვიჩი და ბ. გრუიჩიჩი.
სერბეთის საპატრიარქოს მომლოცველთა სააგენტო „დობროჩინსტვო“=ს მიერ ორგანიზებული მოგზაურობა მხარდაჭერილი იყო მოსკოვში სერბეთის მართლმადიდებელი ეკლესიის მეტოქიონისა და მოსკოვის საპატრიარქოს საგარეო საეკლესიო კავშირების განყოფილების მიერ.
16-19 სექტემბერს კარლოვცის სემინარიის სტუმრებმა მოილოცეს რუსეთის მართლმადიდებელი ეკლესიის რამდენიმე მსოფლიოში ცნობილი მონასტრის სიწმინდეები: წმინდა სერგის სამების ლავრაში, პოკროვის, ნოვოსპასის, სრეტენის, ახალი იერუსალიმის, სავინო-სტოროჟევის და წმინდა სამების სერაფიმ-დივეევოს მონასტრებში, ასევე მოსკოვის მართა=მარიამის სავანეში.
კვირას, 20 სექტემბერს, მოსკოვის წმინდა მთავარმოციქულთა პეტრესა და პავლეს სახელობის ტაძარში, იაუზის კარიბჭესთან – სერბეთის მართლმადიდებელუი ეკლესიის მოსკოვის მეტოქიონში – კარლოვცის სემინარიის სტუდენტებმა და პროფესორ-მასწავლებლებმა ილოცეს საღმრთო ლიტურგიაზე, რომელსაც უძღვებოდა მეტოქიონის წინამძღავრი, სერბეთის უწმინდესი პატრიარქის ვიკარი, რემეზიანის ეპისკოპოსი სტეფანე. 21 სექტემბერს, ყოვლადწმინდა ღვთისმშობლის შობის დღესასწაულზე, მათ ილოცეს საღმრთო ლიტურგიაზე სრეტენის სტავროპიგიალურ მამათა მონასტერში. ღვთისმსახურებაში მონაწილეობდა სრემსკი კარლოვცის სასულიერო სემინარიის მამაკაცთა ოქტეტის სტუდენტურ მგალობელთა გუნდი.
მოსკოვში ყოფნის დროს, სერბეთის მართლმადიდებელი ეკლესიის უძველესი სასულიერო სკოლის წარმომადგენლებმა რუსეთის დედაქალაქის მრავალი წმინდა ადგილი მოილოცეს და ღირსშესანიშნაობები დაათვალიერეს, მათ შორის წითელ მოედანზე მდებარე ნეტარი ვასილის ტაძარი და მოსკოვის კრემლის ტაძრები, რუსეთის ფედერაციის შეიარაღებული ძალების მთავარი ტაძარი, ბოლშაია ორდინკას ქუჩაზე მდებარე ღვთისმშობლის ხატის, „ყოველთა მწუხარეთა სიხარულის“, ტაძარი და მოსკოვის სხვა ეკლესიები.
მოგზაურობაში მომლოცველთა ჯგუფს თან ახლდნენ პროფესიონალი გიდები და ექსკურსიამძღოლები, ასევე სერბეთის მართლმადიდებელი ეკლესიის მოსკოვის მეტოქიონისა და მოსკოვის საპატრიარქოს საგარეო საეკლესიო კავშირების განყოფილების თანამშრომლები.
სერბეთის ეკლესიის მოსკოვის მეტოქიონისა და
სრეტენის სტავროპოგიალური მამათა მონასტრის ფოტო