მოსკოვის საპატრიარქო
უწმინდესი პატრიარქი კირილე: უკრაინის მართლმადიდებელი ეკლესიის მორწმუნეთა უფლებების დარღვევის ფაქტები აღიარებულია საერთაშორისო უფლებადამცველი ორგანიზაციების ანგარიშებში
სსკგ-ის კომუნიკაციის სამსახური, 20.12.2024. 2024 წლის 20 დეკემბერს, ქრისტე მაცხოვრის საკათედრო ტაძრის საეკლესიო კრებების დარბაზში გამოსვლისას, ქ. მოსკოვის ყოველწლიურ დასკვნით საეპარქიო კრებაზე, მოსკოვისა და სრულიად რუსეთის უწმინდესმა პატრიარქმა კირილემ ისაუბრა უკრაინის მართლმადიდებელი ეკლესიის გასასტიკებულ დევნაზე და უკრაინის ხელისუფლების მხრიდან ტოტალურ ტერორზე, – იუწყება Патриархия.ru.
„უკრაინაში სასულიერო პირებისა და საერო პირების დევნა იძენს ტოტალური ტერორის ნიშნებს, რაც მოიცავს კანონიკური მართლმადიდებელი ეკლესიის ტაძრებისა და მონასტრების დახურვასა და მიტაცებას სქიზმატების მიერ, ეპისკოპოსების, სასულიერო პირების, მონოზვნებისა და ერისკაცების წინააღმდეგ რეპრესიებს, აგრეთვე იმ საინფორმაციო რესურსების ბლოკირებას, რომლებიც დევნის შესახებ სიმართლეს ამჟღავნებენ“, – განაცხადა უწმინდესმა მეუფემ.
„რეპრესია ხორციელდება მათ წინააღმდეგ, ვინც ცდილობს საერთაშორისო საზოგადოებას მიაწოდოს ინფორმაცია რელიგიური თავისუფლების დარღვევის შესახებ, რომელიც ისეა ორგანიზებულია, რომ დამალოს უკრაინაში რელიგიური დევნის ნებისმიერი საჯარო მტკიცებულება“, – ხაზი გაუსვა რუსეთის მართლმადიდებელი ეკლესიის წინამძღვარმა.
„სამწუხაროდ, ამჟამად უკრაინაში კანონიკური მართლმადიდებელი ეკლესიის მდგომარეობა მხოლოდ უარესდება“, – დანანებით აღნიშნა უწმინდესმა პატრიარქმა კირილემ.
„დასავლეთში არსებული არასახარბიელო პოლიტიკური ვითარებისა და უკრაინაში რელიგიური დევნის დამალვის მცდელობების მიუხედავად, ძმური ადგილობრივი მართლმადიდებელი ეკლესიების წინამძღვრებმა, მათმა სინოდებმა და ცალკეულმა მღვდელთმთავრებმა, მსხვილი მსოფლიო რელიგიური თემების ლიდერებმა არაერთხელ გამოხატეს საკუთარი მხარდაჭერა უკრაინაში დევნილი მართლმადიდებლობისადმი და დაგმეს დევნები. უკრაინის მართლმადიდებელი ეკლესიის მორწმუნეთა უფლებების დარღვევისა და მათ მიმართ ღია ძალადობის ფაქტები აღიარებულია საერთაშორისო უფლებადამცველი ორგანიზაციების ანგარიშებში“, – აღნიშნა უწმინდესმა მეუფემ.
პატრიარქი
განყოფილების თავმჯდომარე
20.03.2025
07.01.2025
13.03.2025
07.01.2025