ადგილობრივი მართლმადიდებელი ეკლესიების წარმომადგენლებმა მოსკოვისა და სრულიად რუსეთის უწმინდეს პატრიარქ კირილეს ანგელოზის დღე მიულოცეს

სსკგ-ის კომუნიკაციის სამსახური, 05.24.2023. 24 მაისს, აღდგომის დღესასწაულის წარგზავნის დღეს, უფლის ამაღლების წინადღესასწაულზე, სლოვანთა განმანათლებელთა და მოციქულთასწორთა მეთოდესა და კირილეს ხსენების დღეს, ადგილობრივი მართლმადიდებელი ეკლესიების წარმომადგენლებმა მონაწილეობა მიიღეს საღმრთო ლიტურგიაში, რომელიც მოსკოვისა და სრულიად რუსეთის პატრიარქმა უწმინდესმა კირილემ მოსკოვის ქრისტე მაცხოვრის საკათედრო ტაძარში მისი სახელის ხსენების დღეს აღასრულა.

რუსეთის მართლმადიდებელი ეკლესიის წინამძღვარს, კერძოდ, თანამსახურებდნენ: ფილიპოპოლის მიტროპოლიტი ნიფონი, ანტიოქიის და სრულიად აღმოსავლეთის პატრიარქის წარმომადგენელი მოსკოვისა და სრულიად რუსეთის პატრიარქთან; ახალქალაქის, კუმურდოსა და კარის მიტროპოლიტი ნიკოლოზი (საქართველოს მართლმადიდებელი ეკლესია); მორავიჩის ეპისკოპოსი ანტონი, სერბეთის პატრიარქის წარმომადგენელი მოსკოვისა და სრულიად რუსეთის პატრიარქთან; არქიმანდრიტი სერაფიმე (შემიატოვსკი), ჩეხეთის მიწებისა და სლოვაკეთის მართლმადიდებელი ეკლესიის წარმომადგენელი; არქიმანდრიტი ვასიანე (ზმეევი), მოსკოვისა და სრულიად რუსეთის პატრიარქის წარმომადგენელი ბულგარეთის პატრიარქთან; დეკანოზი დანიელ ანდრეიუკი, ამერიკის მართლმადიდებელი ეკლესიის წარმომადგენელი.

საკურთხეველში ლოცულობდა არქიმანდრიტი სტეფანე (დისპირაკისი), წმინდა ქალაქ იერუსალიმისა და სრულიად პალესტინის პატრიარქის წარმომადგენელი მოსკოვისა და სრულიად რუსეთის პატრიარქთან.

წირვის დასრულების შემდეგ, მოსკოვისა და სრულიად რუსეთის უწმინდესი პატრიარქის კირილეს ანგელოზის დღესთან დაკავშირებით სადღესასწაულო ტრაპეზი გაიმართა.

მოსკოვის საპატრიარქო საყდართან ადგილობრივი მართლმადიდებელი ეკლესიების წარმომადგენელთა სახელით უწმინდეს პატრიარქ კირილეს მიულოცა ფილიპოპოლის მიტროპოლიტმა ნიფონმა:

„თქვენო უწმინდესობავ!

ნება მომეცით, თქვენს წმინდა საყდართან ადგილობრივი მართლმადიდებელი ეკლესიების წარმომადგენლების სახელით მოგილოცოთ თქვენი ზეციური მფარველი ანგელოზის დღე.

ამ დღეს ჩვენ ვიხსენებთ წმინდა კირილეს ღვაწლის სიდიადეს, რომელსაც კოლოსალური მნიშვნელობა ჰქონდა მართლმადიდებლობის გავრცელებისთვის სლავურ მიწებზე.

მთელს ქრისტიანულ სამყაროში პატივს სცემენ წმიდა მოციქულთასწორი კირილეს და მისი ძმის წმინდა მოციქულთასწორი მეთოდეს უდიდეს სულიერ საგანმანათლებლო ღვაწლს. და თუ ადრე, მართლმადიდებელ სლავებზე ფიქრისას, ყოველთვის ჩნდებოდა ასოციაცია წმინდა კირილეს შესახებ, რომელიც შორეულ  IX საუკუნეში ცხოვრობდა, ახლა მასთან კავშირში თქვენს უწმინდესობასაც იხსენებენ. იმიტომ რომ, თქვენ იშრომეთ იმისთვის, რომ რუსეთის ეკლესიის სიტყვა მთელ მსოფლიოში გაეგოთ: თქვენი წიგნები ითარგმნა სხვადასხვა ენაზე, ხოლო თქვენი გამორჩეული ცოცხალი სიტყვა ისმის საერთაშორისო კონფერენციებზე.

თქვენ ხართ წინამძღოლი დიდი ეკლესიისა, რომელიც საუკუნეების მანძილზე დიდია თავისი მოღვაწეებით, მქადაგებლებით, ღვთისმეტყველებით, მოწამეებით... და თქვენ მოუწოდებთ ხალხს, მიბაძონ მათ სიწმინდეში ღირსეულად და სამართლიანად, აქონ და ემადლიერონ უფალს, და რაც მთავარია, მიბაძონ ქრისტეს სიყვარულში, დაიცვან სუსტები და დაეხმარონ გაჭირვებულებს.

თქვენი ზეციური მფარველის, წმიდა მოციქულთასწორ კირილეს ლოცვებით, გაგაძლიეროთ უფალმა და მრავალი წელი გამსახუროთ თქვენს პირველიერარქიულ მსახურებაში რუსეთის წმიდა ეკლესიისა და დიდი რუსეთის წინაშე“.