![](/h/assets/images/new-logo.png)
მოსკოვის საპატრიარქო
რუსეთის ეკლესიის წარმომადგენელმა მონაწილეობა მიიღო დამასკოს მიძინების ტაძარში გამართულ საშობაო ზეიმში
![](/upload/iblock/9ea/isr446oozhwu7csrs11c255uz3tauz1n.jpg)
![](/upload/iblock/ece/etuy291dred49i56486qn5glat0w7pym.jpg)
![](/upload/iblock/61f/iqnb2n4huwhptwuf3z6fe3ya1pxvpswm.jpeg)
![](/upload/iblock/1bb/wb1wr70u2nsmgx2rklzn8oec0pw7qy5k.jpg)
![](/upload/iblock/dd9/psqtfrbic818qxrh7y3getcxt8w1434s.jpg)
![](/upload/iblock/700/sxco3zru5upk2g5ii7r6krmsasnxz1vy.jpg)
სსკგ-ის კომუნიკაციის სამსახური, 27.12.2022. 25 დეკემბერს, ქრისტეს შობის იულიუსის კალენდრით დღესასწაულის დღეს, ანტიოქიისა და სრულიად აღმოსავლეთის უნეტარესი პატრიარქის იოანე X- ის მიწვევით, მოსკოვისა და სრულიად რუსეთის პატრიარქის წარმომადგენელმა ანტიოქიის საპატრიარქო საყდართან არქიმანდრიტმა ფილიპემ (ვასილცევი) მონაწილეობა მიიღო საღმრთო ლიტურგიაში დამასკოს ყოვლადწმიდა ღვთისმშობლის მიძინების საკათედრო ტაძარში.
საღმრთო მსახურება აღასრულა უნეტარესმა პატრიარქმა იოანემ; მას თანამსახურებდნენ დარაის ეპისკოპოსი მოსე და სერგიოპოლის ეპისკოპოსი იოანე, – იუწყება რუსეთის მართლმადიდებელი ეკლესიის საიტი დამასკოში.
საღმრთო ლიტურგიაზე ლოცვები გაჟღერდა არაბულ, საეკლესიო-სლავურ და ბერძნულ ენებზე.
ღვთისმსახურებაზე ლოცულობდნენ სირიის არაბული რესპუბლიკის პრეზიდენტის საქმეთა მინისტრი ბ-ნი მანსურ აზამი, ამავე ქვეყნის სახალხო კრების სპიკერი ბ-ნი ჰამუდ საბაქი, სირიის დედაქალაქის გუბერნატორი ბ-ნი მუჰამედ ტარიკ კრიშატი, დამასკოს გარეუბნების გუბერნატორი ბ-ნი საფვან სულეიმან აბუ საადი, ვაჭრობისა და მომხმარებლების უფლებათა დაცვის მინისტრი ბ-ნი ამრ სალემი, უმაღლესი განთლების მინისტრი ბ-ნი ბასამ იბრაგიმი, ასევე სახალხო კრების დეპუტატები, სამხედრო მოსამსახურეები, სახელისუფლო ორგანოებისა და სამრევლოების საბჭოების წარმომადგენლები, მრევლი და ტაძრის სტუმრები.