მოსკოვის საპატრიარქო
ბუდაპეშტისა და უნგრეთის მიტროპოლიტი ილარიონი შეხვდა უნგრეთის სახელმწიფო მდივანს დევნილი ქრისტიანებისთვის დახმარების საკითხებში
სსკგ-ის კომუნიკაციის სამსახური, 26.07.2022. 26 ივლისს ბუდაპეშტისა და უნგრეთის მიტროპოლიტი უნგრეთის სახელმწიფო მდივანს დევნილი ქრსტიანებისთვის დახმარების საკითხებში ტრისტან აზბეის შეხვდა.
შეხვედრის დასაწყისში უნგრეთის სახელმწიფოს წარმომადგენელი გულთბილად მიესალმა მიტროპოლიტ ილარიონის დადგინებას ბუდაპეშტისა და უნგრეთის კათედრაზე და უნგრეთსა და რუსეთის მართლმადიდებელ ეკლესიას შორის ქრისტიანების დევნისგან დაცვის საქმეში ურთიერთთანამშრომლობის შემდგომი განმტკიცების იმედი გამოთქვა.
თავის მხრივ, მიტროპოლიტმა ილარიონმა გაიხსენა წინა შეხვედრა ბატონ აზბეისთან, რომელიც 2019 წლის 28 ნოემბერს შედგა ბუდაპეშტში ჩატარებული ქრისტიანთა დევნის პრობლემატიკისადმი მიძღვნილი II საერთაშორისო კონფერენციის ფარგლებში.
მხარეებმა განიხილეს ურთიერთთანამშრომლობის სხვადასხვა ასპექტი ახლო აღმოსავლეთის ქრისტიანთა დახმარების საქმეში და შეთანხმდნენ შემდგომ კონტაქტებზე.
შეხვედრის აღსანიშნავად მიტროპოლიტმა ილარიონმა სახელმწიფო მდივანს საჩუქრად გადასცა თავისი წიგნი „კატეხიზმო“ უნგრულ ენაზე. თავის მხრივ, ბატონმა აზბეიმ იერარქს უსახსოვრა წიგნი, რომელშიც შეკრებილია ახლო აღმოსავლეთის ქრისტიანთა მოწმობები იმ განსაცდელების შესახებ, რომლებსაც ისინი სამშობლოში განიცდიან.
პატრიარქი
07.01.2026
07.01.2026
18.09.2025
17.09.2025