მოსკოვის საპატრიარქო
ანტიოქიის პატრიარქმა მადლობა გადაუხადა რუსეთის ეკლესიის წინამძღვარს მხარდაჭერის სიტყვებისთვის ლიბანში კონფლიქტის ესკალაციასთან დაკავშირებით
სსკგ-ის კომუნიკაციის სამსახური, 17.10.2024. 11 ოქტომბერს, დიდი ანტიოქიის და სრულიად აღმოსავლეთის უნეტარესმა პატრიარქმა იოანე X-მ წერილი გაუგზავნა რუსეთის მართლმადიდებელი ეკლესიის წინამძღვარს, სადაც მადლობა გადაუხადა მას ძმური მხარდაჭერისთვის იმ ტრაგიკულ მოვლენებთან დაკავშირებით, რომლებიც განვითარდა ანტიოქიის მართლმადიდებელი ეკლესიის სამწყემსო პასუხისმგებლობის ტერიტორიაზე. „დიდი მადლიერებით მივიღე თქვენი 2024 წლის 4 ოქტომბრით დათარიღებული შეტყობინება, რომელშიც გამოხატეთ გულითადი მხარდაჭერისა და გულწრფელი თანაგრძნობის სიტყვები ახლო აღმოსავლეთში, განსაკუთრებით კი ლიბანში, კონფლიქტის ესკალაციის შემდეგ“, – ნათქვამია წერილში.
აღნიშნა რა მოსკოვისა და სრულიად რუსეთის უწმინდესი პატრიარქის კირილეს გზავნილში გამოხატული გულწრფელი გრძნობები, მისმა უნეტარესობამ მისწერა: „თქვენთან ერთად აღვუვლენ ლოცვას უფალს, ნათლის მამას, რათა განგვიმტკიცოს გულებში თავისი სიმშვიდე, და ანუგეშოს ყოველი ტანჯული და განუსვენოს მიცვალებულთა სულები“.
განაგრძო რა აზრი მშვიდობისათვის ერთობლივი ლოცვების მნიშვნელობაზე, ანტიოქიის მართლმადიდებელი ეკლესიის წინამძღვარმა ხაზგასმით აღნიშნა: „მეც ვლოცულობ თქვენს მიწაზე მშვიდობისთვის, და შევთხოვ მშვიდობის უფალს, ჩააქროს ომის ცეცხლი, რომლის მსხვერპლიც გახდა თავისი შემოქმედის მსგავსად სიმშვიდის ხატად შექმნილი ადამიანი“.
წერილის ბოლოს უნეტარესმა მეუფემ, კერძოდ, უსურვა, რომ „უფალმა დაიცვას რუსი ხალხი და რუსეთის ეკლესია“.