უკრაინაში მიღებული კანონი მილიონობით მორწმუნეს ართმევს …

უკრაინაში მიღებული კანონი მილიონობით მორწმუნეს ართმევს საკუთარი სარწმუნოების აღმსარებლობის უფლებას, – ნათქვამია მაკედონიის მართლმადიდებელი ეკლესიის – ოხრიდის სამთავარეპისკოპოსოს სინოდის გაცხადებაში

სსკგ-ის კომუნიკაციის სამსახური, 13.09.2024. 2024 წლის 12 სექტემბერს მაკედონიის მართლმადიდებელი ეკლესიის – ოხრიდის სამთავარეპისკოპოსოს ეპისკოპოსთა წმინდა სინოდის სხდომაზე განხილულ იქნა საეკლესიო ცხოვრებასთან დაკავშირებული რიგი საკითხები და მოვლენები, – იუწყება პორტალი Liturgija.mk.

სინოდმა განსაკუთრებული ყურადღება დაუთმო უკრაინის მართლმადიდებელი და-ეკლესიის მდგომარეობას უკრაინის უმაღლესი რადას მიერ მიღებულ კანონთან დაკავშირებით, რომელიც უკრაინის მართლმადიდებელი ეკლესიის აკრძალვაზეა მიმართული, რის შედეგადაც, როგორც შეტყობინებაშია აღნიშნული, „ამ ეკლესიის ტაძრების მილიონობით მორწმუნე მოკლებულია თავისი რელიგიური კუთვნილობის, სარწმუნოების აღმსარებლობისა და ღვთისმსახურების აღსრულების ძირითად უფლებებს“.

„მაკედონიის მართლმადიდებელი ეკლესიის – ოხრიდის სამთავარეპისკოპოსოს წმინდა სინოდი, რომელიც მოწმობს სახარებისეულ ჭეშმარიტებას, ლოცვით მხარდაჭერას უცხადებს უკრაინის მართლმადიდებელი ეკლესიის წინამძღვარს, კიევისა და სრულიად უკრაინის მიტროპოლიტს, ბატონ ონოფრეს, თანამოძმე-მღვდელთმთავრებს და მის ერთგულ ერს, და ევედრება ყოვლადმოწყალე უფალს, რომ მისცეს მათ ძალა, გაუძლონ და გადალახონ ეს გამოწვევები“, – ხაზგასმულია პუბლიკაციაში.

ასევე აღნიშნულია, რომ „ამავდროულად, წმინდა სინოდი ლოცულობს ყველა ადგილობრივი მართლმადიდებელი ეკლესიის ერთობისთვის, რომლებიც ქრისტეს სხეულს შეადგენენ“.

დაბეჭდეთ პუბლიკაცია

პატრიარქი

განყოფილების თავმჯდომარე

ქადაგებები

პატრიარქი

განყოფილების თავმჯდომარე

ქადაგებები