შედგა რუსეთის მართლმადიდებელი ეკლესიის წმინდა სინოდისა და უმაღლესი საეკლესიო საბჭოს ერთობლივი სხდომა

სსკგ-ის კომუნიკაციის სამსახური, 26.12.2023. 26 დეკემბერს მოსკოვში, ქრისტე მაცხოვრის საკათედრო ტაძრის საპატრიარქო დარბაზში, მოსკოვისა და სრულიად რუსეთის უწმინდესი პატრიარქის კირილეს თავმჯდომარეობით შედგა რუსეთის მართლმადიდებელი ეკლესიის წმიდა სინოდისა და უმაღლესი საეკლესიო საბჭოს ერთობლივი სხდომა, – იუწყება პატრიარქის პრეს-სამსახური.

რუსეთის მართლმადიდებელი ეკლესიის წინამძღვარმა შეკრებილებს მისასალმებელი სიტყვით მიმართა.

სხდომაზე შემდეგი მოხსენებები მოისმინეს:

ვოსკრესენსკის მიტროპოლიტ გრიგოლის მოხსენება მოსკოვის საპატრიარქოს საქმეთა სამმართველოს საქმიანობის შესახებ;

ვოლოკოლამსკის მიტროპოლიტ ანტონის მოხსენება მოსკოვის საპატრიარქოს საგარეო საეკლესიო კავშირების განყოფილების საქმიანობის შესახებ;

კალუგისა და ბოროვსკის მიტროპოლიტ კლიმენტის მოხსენება რუსეთის მართლმადიდებელი ეკლესიის საგამომცემლო საბჭოს საქმიანობის შესახებ;

დეკანოზ მაქსიმე კოზლოვის მოხსენება რუსეთის მართლმადიდებელი ეკლესიის სასწავლო კომიტეტის საქმიანობის შესახებ;

ნარო-ფომინსკის ეპისკოპოს ნიკანდროს მოხსენება მოსკოვის საპატრიარქოს ფინანსურ-სამეურნეო სამმართველოს საქმიანობის შესახებ;

კაშირის მიტროპოლიტ თეოგნოსტეს მოხსენება მონასტრებისა და ბერმონაზვნობის სინოდალური განყოფილების საქმიანობის შესახებ;

ეკატერინბურგისა და ვერხოტურის მიტროპოლიტ ევგენის მოხსენება რელიგიური განათლებისა და კატეხიზაციის სინოდალური განყოფილების საქმიანობის შესახებ;

ვერეის ეპისკოპოს პანტელეიმონის მოხსენება საეკლესიო ქველმოქმედებისა და სოციალური მსახურების სინოდალური განყოფილების საქმიანობის შესახებ;

ლუხოვიცკის ეპისკოპოს ევფთიმეს მოხსენება სინოდალური მისიონერული განყოფილების საქმიანობის შესახებ;

სტავროპოლისა და ნევინომისკის მიტროპოლიტ კირილეს მოხსენება შეიარაღებულ ძალებთან და სამართალდამცავ ორგანოებთან ურთიერთობის სინოდალური განყოფილების საქმიანობის შესახებ;

ისტრის ეპისკოპოს სერაფიმეს მოხსენება ახალგაზრდობის საქმეთა სინოდალური განყოფილების საქმიანობის შესახებ;

ვ.რ. ლეგოიდას მოხსენება ეკლესიის საზოგადოებასთან და მედიასთან ურთიერთობის სინოდალური განყოფილების საქმიანობის შესახებ;

რამენსკის ეპისკოპოს ირინარქის მოხსენება საპატიმრო მსახურების სინოდალური განყოფილების საქმიანობის შესახებ;

სტავროპოლისა და ნევინომისკის მიტროპოლიტ კირილეს მოხსენება კაზაკებთან ურთიერთობის სინოდალური კომიტეტის საქმიანობის შესახებ;

სიმფეროპოლისა და ყირიმის მიტროპოლიტ ტიხონის მოხსენება კულტურის საკითხებში საპატრიარქო საბჭოს საქმიანობის შესახებ;

იღუმენია ქსენიას (ჩერნეგა) მოხსენება კანონმდებლობაში ცვლილებების შესახებ.

თითოეულ მოხსენებასთან დაკავშირებით მნიშვნელოვანი დისკუსია გაიმართა.

სხდომის შეჯამებისას რუსეთის ეკლესიის წინამძღვარმა განაცხადა:

„მინდა მადლობა გადაგიხადოთ ყველას, რომ მონაწილეობა მიიღეთ ჩვენი ეკლესიის ცხოვრებასთან დაკავშირებული კონკრეტული საკითხების გადაწყვეტაში. ყოველმხრივი სურათი, რომელსაც თითოეული ჩვენგანი ხედავს ამ შეხვედრების დროს, გვეხმარება უკეთ გავიგოთ ის, რაც უნდა გავაკეთოთ თითოეულმა თავის ადგილზე – საპატრიარქოს, მიტროპოლიის, ეპარქიის დონეზე.

მიუხედავად სირთულეებისა და განსაცდელებისა, რომლებიც არ გვტოვებს, საეკლესიო ცხოვრების განვითარების ზოგადი ტენდენცია უდავოდ დადებითია. ვფიქრობ, ამას ყველა ჩვენგანი ვგრძნობთ და განსაკუთრებით ბოლო წლებში. ყოველივე ამას იმ აზრამდე მივყავართ, რომ ეკლესიის ის მდგომარეობა რაც ახლა ჩვენს სახელმწიფოში არსებობს, მიიღწევა არა ადამიანური ძალისხმევით, არამედ ახალმოწამეებისა და აღმსარებლების ღვაწლით, მათი ლოცვებით, ყველა იმათი ლოცვით, ვინც ჩვენი წინამორბედი იყო – მთავარეპისკოპოსები, მღვდლები, რომლებიც ვერც კი იოცნებებდნენ, რომ ჩვენს ქვეყანაში ეკლესიისა და სახელმწიფოს ურთიერთობის ასეთი სისტემა დამყარდებოდა, რაც ახლა გვაქვს. ამიტომ, მადლობა გადავუხადოთ უფალს იმ წყალობისთვის, რომელსაც ის გვაძლევს, მაგრამ ჩვენი მხრივ ჩვენც ვიმუშაოთ პიროპფლიანად და სიცოცხლის უშურველად.

ეპისკოპატის მხარდაჭერა არის ის, რის გარეშეც პატრიარქი თავს თავდაჯერებულად ვერ იგრძნობს. მე ვგრძნობ ამ თანადგომას, მადლობელი ვარ ყველა თქვენგანის და თქვენი სახით მთელი ჩვენი ეპისკოპატის. ღმერთმა ინებოს, რომ გავაგრძელოთ სვლა ცხოვრების მღელვარე ზღვაში ღვთის შეწევნის იმედით, მაგრამ თავადაც არ დავივიწყოთ ნიჩბებზე დაყრდნობა და საჭის მართვა. მადლობა თითოეულ თქვენგანს!".