მოსკოვის საპატრიარქოს საგარეო საეკლესიო კავშირების თავმჯდომარის მოადგილე

დეკანოზი იგორ ვიჟანოვი

ბიოგრაფია:

დაიბადა 1971 წლის 6 ივნისს ქ. ვოლოგდაში. 1974 წელს ოჯახი გადავიდა მოსკოვში.

1993 წ. დაამთავრა საერთაორისო ურთიერთობების მოსკოვის სახელმწიფო ინსტიტუტი, 1995 წ. – მოსკოვის სასულიერო სემინარია, 1999 წ. – მოსკოვის სასულიერო აკადემია ღვთისმეტყველების კანდიდატის ხარისხით.

2003 წლის მარტში ხელთდასხმულ იქნა დიაკვნად, სექტემბერში – მღვდლად, ხოლო 2009 წლის აპრილში დეკანოზის ხარისხში იქნა აყვანილი.

1999-2010 წწ.-ში მოსკოვის საპატრიარქოს საგარეო საეკლესიო კავშირების განყოფილების თანამშრომელია. ხელმძღვანელობდა ქრისტიანთაშორისი ურთიერთობების სამდივნოს.

სსკგ-ში მუშობის პერიოდში იყო ეკლესიათა მშოფლიო საბჭოს ცენტრალური კომიტეტის, რომის კათოლიკურ და მართლმადიდებელ ეკლესიებს შორის თეოლოგიური დიალოგის შერეული საერთაშორისო კომისიის და რუსეთის მართლმადიდებელ და რომის კათოლიკურ ეკლესიებს შორის არსებული პრობლემების განხილვის ერთობლივი სამუშაო ჯგუფის წევრი.

2010 წლის 5 მარტიდან 2011 წლის 30 მაისამდე – ნიუ-იორკის წმინდა ნიკოლოზის საპატრიარქო ტაძრის სასულიერო პირი და გაეროში მსოფლიო რუსეთის სახალხო კრების წარმომადგენელი.

2011 წლის 30 მაისიდან 2012 წლის 4 ოქტომბრამდე – რომში წმინდა დიდმოწამე ეკატერინეს სახელობის ეკლესიის სასულიერო პირი.

2012 წლის 4 ოქტომბერს, რუსეთის მართლმადიდებელი ეკლესიის წმინდა სინოდის გადაწყვეტილებით, დაინიშნა ნეაპოლში წმინდა ანდრია პირველწოდებულის ეკლესიის წინამძღვარდ.

2016-2022 წწ. – მოსკოვის საქალაქო ეპარქიის სასულიერო პირი.

2017-2022 წწ. – მოსკოვის სასულიერო აკადემიის ლექტორი.

მოსკოვისა და სრულიად რუსეთის უწმინდეს პატრიარქ კირილესა და რუსეთის მართლმადიდებელი ეკლესიის წმინდა სინოდის 2022 წლის 24 მარტის გადაწყვეტილებით გადაყვანილ იქნა ამერიკის შეერთებულ შტატებში საპატრიარქო სამრევლოების მმართელის განკარგულებაში.

2022 წლის 26 ოქტომბერს, აშშ-სა და კანადაში საპატრიარქო სამრევლოების დროებითმა მმართველმა, სუროჟის ეპისკოპოსმა მათემ ქ. ნიუ-იორკში წმინდა ნიკოლოზის საპატრიარქო ტაძრის წინამძღვრად და აშშ-ში საპატრიარქო სამრევლოების კანცლერად (საქმეთა მმართველად) დაადგინა.

მოსკოვისა და სრულიად რუსეთის უწმინდეს პატრიარქ კირილეს და რუსეთის მართლმადიდებელი ეკლესიის წმინდა სინოდის 2025 წლის 24 ივლისის გადაწყვეტილებით (ჟურნალი No79), გათავისუფლდა ნიუ-იორკის წმინდა ნიკოლოზის საპატრიარქო ტაძრის წინამძღვრობიდან და დაინიშნა მოსკოვის საპატრიარქოს საგარეო საეკლესიო კავშირების თავმჯდომარის მოადგილედ.

მოსკოვისა და სრულიად რუსეთის უწმინდეს პატრიარქ კირილეს განკარგულებით, 2025 წლის 25 სექტემბერს დაინიშნა ქ. მოსკოვში ბოლშაია ორდინკაზე ღვთისმშობლის „ყოველთა მწუხარეთა სიხარულის“ ხატის სახ. ტაძრის წინამძღვრად.

განათლება:

• 1993 წ. – მოსკოვის საერთაშორისო ურთიერთობების სახელმწიფო ინსტიტუტი;

• 1995 წ. – მოსკოვის სასულიერო სემინარია;

• 1999 წ. – მოსკოვის სასულიერო აკადემია (ღვთისმეტყველების დოქტორი).

ჯილდოები:

საღვთისმსახურო:

• 2009 წ. – დეკანოზის წოდება;

• 2011 წ. – ენქერი;

• 2025 წ. – გამშვენებული ჯვარი.

საეკლესიო:

• 2015 წ. – „დიდი მთავრის, ვლადიმერის გარდაცვალებიდან 1000 წლისთავის სამახსოვრო“ საიუბილეო მედალი;

• 2021 წ. – ღირსი სერგი რადონეჟელის III ხარისხის ორდენი.

საერო:

• 2009 წ. – მედალი „რუსეთის სსს-ს საკონსულო მსახურების 200 წელი“