მოსკოვის საპატრიარქო
სსკგ-ის თავმჯდომარემ ადგილობრივი მართლმადიდებელი ეკლესიების წინამძღვრებს ქრისტეს აღდგომა მიულოცა
მოსკოვის საპატრიარქოს საგარეო საეკლესიო კავშირების განყოფილების თავმჯდომარემ, ვოლოკოლამსკის მიტროპოლიტმა ანტონიმ ქრისტეს აღდგომის ბრწყინვალე დღესასწაული მიულოცა ანტიოქიის უნეტარესი პატრიარქ იოანე X-ს, იერუსალიმის უნეტარესი პატრიარქ თეოფილე III-ს, სრულიად საქართველოს უწმინდეს და უნეტარეს კათოლიკოს-პატრიარქ ილია II-ს, სერბეთის უწმიდეს პატრიარქ პორფირეს, რუმინეთის უნეტარესი პატრიარქ დანიელს, ბულგარეთის უწმინდეს პატრიარქ ნეოფიტეს, ტირანისა და სრულიად ალბანეთის უნეტარეს მთავარეპისკოპოს ანასტასის, ვარშავისა და სრულიად პოლონეთის უნეტარეს მიტროპოლიტ საბას, ჩეხეთის მიწებისა და სლოვაკეთის უნეტარეს მიტროპოლიტ როსტისლავს, კანადისა და სრულიად ამერიკის უნეტარეს მიტროპოლიტ ტიხონს, ოხრიდისა და მაკედონიის უნეტარეს მთავარეპისკოპოს სტეფანეს.
მისალოც გზავნილში, კერძოდ, ნათქვამია:
ქრისტე აღდგა!
გულითადად გილოცავთ საპასექო ზეიმს – ჩვენი უფლისა და მაცხოვრის იესო ქრისტეს გამარჯვებას ხრწნილებასა და სიკვდილზე.
სიკვდილით სიკვდილის დათრგუნვით და ჯოჯოხეთში შთასვლით მართლების განთავისუფლებით, ქრისტე – ღვთის ძალა და ღვთის სიბრძნე (1 კორ. 1:24) – განანათლებს, ანუგეშებს და კურნავს მშფოთვარე და ტანჯულ კაცობრიობას, საკუთარ თავს ჩუქნის ყველას, ვინც ხსნას ეძებს ამ უკეთური საუკუნისგან (გალ. 1:4), ვინც გონებითა და გულით ეძებს ჭეშმარიტ სულიერ სიხარულსა და მშვიდობას.
თავისი აღდგომით უფალმა დიდი გამარჯვება მოუტანა მთელ კაცობრიობას – „ერთადერთი გამარჯვება, რომლითაც ყველა ადამიანს შეუძლია გაიხაროს – პირველქმნილიდან და უკანასკნელამდე“ (წმ. ნიკოლოზი (ველიმიროვიჩი). „საუბრები“).
აღდგომილმა უფალმა გაგაძლიეროთ თავისი ძალით თქვენს მაღალ საწინამძღვრო მსახურებაში და მოგცეთ მშვიდობა და ბრწყინვალე პასქალური სიხარული მრავალჟამიერ.
მოკრძალებული სიყვარულით ქრისტეში
მოსკოვის საპატრიარქოს
საგარეო საეკლესიო კავშირების განყოფილების თავმჯდომარე,
ვოლოკოლამსკის მიტროპოლიტი ანტონი
პატრიარქი
განყოფილების თავმჯდომარე
08.05.2025
21.04.2025
08.05.2025
20.04.2025