მოსკოვის საპატრიარქოს საგარეო საეკლესიო კავშირების განყოფილების თავმჯდომარის მოადგილე

დეკანოზი ნიკოლოზ ლიშჩენიუკი

ბიოგრაფია:

დაიბადა 1972 წლის 9 დეკემბერს ორენბურგის ოლქის ქალაქ ბუზულუკში.

მოსკოვის სასულიერო სასწავლებლებში სწავლის დასრულების შემდეგ (1996 წ.) დატოვებულ იქნა მსას-ში აკადემიის პრორექტორის თანაშემწედ, რომლის მოვალეობებსაც ასრულებდა 2001 წლის გაზაფხულამდე.

1999 წლის 21 სექტემბერს ხელთდასხმულ იქნა დიაკვნად; 1999 წლის 4 დეკემბერს აყვანილ იქნა მღვდლის ხარისხში.

2000 წელს დაინიშნა კულიშკის ყოველთა წმინდანთა ტაძრის შტატიან მღვდელმსახურად – ალექსანდრიის საპატრიარქოს წარმომადგენლობა ქ. მოსკოვში.

2001–2006 წლებში – პრაღაში (ჩეხეთი) რუსეთის ფედერაციის საელჩოსთან არსებული ძლევაშემოსილი დიდმოწამე გიორგის სახელობის ტაძრის წინამძღვარი.

2006 წლის 11 აპრილს გახდა კარლოვი ვარში რუსეთის მართლმადიდებელი ეკლესიის მეტოქიონის წინამძღვარი, ჩეხეთის მიწებისა და სლოვაკეთის მართლმადიდებელ ეკლესიასთან რუსეთის მართლმადიდებელი ეკლესიის წარმომადგენელი.

რუსეთის მართლმადიდებელი ეკლესიის წმინდა სინოდის 2022 წლის 25 აგვისტოს გადაწყვეტილებით მოსკოვის საპატრიარქოს საგარეო საეკლესიო კავშირების განყოფილების თავმჯდომარის მოადგილედ დაინიშნა.

განათლება და სამეცნიერო ხარისხები:

მოსკოვის სასულიერო სემინარია (1992 წ.). მოსკოვის სასულიერო აკადემია (დაამთავრა 1996 წელს ღვთისმეტყველების კანდიდატის ხარისხით). 1996-1998 წლებში სწავლობდა მოსკოვის საპატრიარქოს საგარეო საეკლესიო კავშირების განყოფილებასთან არსებულ მოსკოვის სასულიერო აკადემიის ასპირანტურაში.

ჯილდოები:

საეკლესიო:

დაჯილდოებულია საღვთისმსახურო ჯილდოებით, მათ შორის, „რომელნი ქერუბიმთა...“-ს საღმრთო ლიტურგიის აღსრულების უფლება ღია აღსავლის კარით (2019 წ.) და მიტრის ტარების უფლებით (2021 წ.).

წმინდა მთავარ როსტისლავ დიდმორავიელის III ხარისხის ორდენი (ჩეხეთის მიწებისა და სლოვაკეთის მართლმადიდებელი ეკლესია, 2004 წ.)

პატრიარქის სიგელი (2006 წ.)

წმინდანთა მოციქულთასწორათა კირილესა და მეთოდეს ოქროს ვარსკვლავის ორდენი (ჩეხეთის მიწებისა და სლოვაკეთის მართლმადიდებელი ეკლესია, 2009 წ.)

საერო:

პუშკინის მედალი (2019 წ.)

ჩეხეთის ქალაქ კარლოვი ვარის საპატიო მოქალაქის წოდება (2020 წ.)

მოსკოვის საპატრიარქოს საგარეო საეკლესიო კავშირების განყოფილების თავმჯდომარის მოადგილე

დეკანოზი ნიკოლოზ ლიშჩენიუკი

სიახლეები

ინტერვიუ

გამოსვლები

სიახლეები

ინტერვიუ

გამოსვლები