მთავარი გვერდი ახალი ამბები
შობის წინა დღეს მიტროპოლიტი ილარიონი მოსკოვის ღვთისმშობ…

შობის წინა დღეს მიტროპოლიტი ილარიონი მოსკოვის ღვთისმშობლის ხატის – „ყოველთა მწუხარეთა სიხარული“-ს ტაძარში ღვთისმსახურებას წარუძღვა


2022 წლის 6 იანვარს ქრისტეს შობის მიმწუხრს (შობის წინა დღეს) საგარეო საეკლესიო კავშირების განყოფილების თავმჯდომარემ ვოლოკოლამსკის მიტროპოლიტმა ილარიონმა დიდი მწუხრის ლოცვა და წმინდა ბასილი დიდის საღმრთო ლიტურგია დედაქალაქში დიდ ორდინკაზე მდებარე ღვთისმშობლის ხატის „ყოველთა მწუხარეთა სიხარული“ ტაძარში აღასრულა.     

მწყემსთმთავარს თანამსახურებდნენ ქ. მოსკოვის ძველი ჩერიომუშკების ცხოვრების დასაბამი სამების ტაძრის წინამძღვარი დეკანოზი ნიკოლოზ კარასევი და ტაძრის კლირიკოსები.

მრჩობლი კვერექსზე აღავლინეს ლოცვა-ვედრება კორონავირუსული ინფექციის გავრცელების საფრთხის თავიდან ასაცილებლად. შემდეგ მიტროპოლიტმა ილარიონმა წაიკითხა ლოცვა მავნე სნეულებათა ზედამოსვლისაგან დასაცავად.

საღმრთო ლიტურგიაზე შესრულდა ზოგადსაეკლესიო ასპირანტურისა და დოქტორანტურის ასპირანტურის განყოფილების უფროსის არსენ გრიგორიანის დიაკვნად ხელთდასხმა.

ღვთისმსახურების დასასრულს ტაძრის შუაგულში დაბრძანებული ქრისტეს შობის ხატის წინაშე შესრულდა სადღესასწაულო ტროპარ-კონდაკის გალობა.

შემდეგ მეუფე ილარიონმა მორწმუნეთ ქადაგებით მიმართა:

„სახელითა მამისათა და ძისათა და წმიდისა სულისათა!

ჩვენ შევაბიჯეთ ქრისტეს შობის დღესასწაულში. დღეს მოვისმინეთ მოციქული პავლეს სიტყვები ებრაელთა მიმართ ეპისტოლიდან: „ღმერთი, რომელიც მრავალგზის და მრავალგვარად ელაპარაკებოდა მამებს წინასწარმეტყველთა პირით, ამ უკანასკნელ დღეებში გველაპარაკა ჩვენ ძის მიერ, რომელიც დაადგინა ყოვლის მემკვიდრედ და რომლის მეშვეობითაც შექმნა საუკუნენი, რომელიც არის ბრწყინვალება დიდებისა და მისი არსების აღნაბეჭდი“ (ებრ. 1:1- 3)

პავლე მოციქულის ეს სიტყვები გვამცნობს ღვთის განკაცებას, იმას, რომ უფალი მრავალგზის და მრავალგვარად აუწყებდა ისრაელის ხალხს თავის ნებას თავისი წინასწარმეტყველების მეშვეობით. მაგრამ უფალს კეთილენება, რომ მისი ნება გამოეცხადებინა და მისი ხატი გამოვლენილიყო მის მიერ, ვინც არის მისი დიდების ბრწყინვალება და მისი ჰიპოსტასის ხატი – უფლის მხოლოდშობილ ძეს, რომელიც მოვიდა ქვეყნად, ხორცი შეისხა, განკაცდა, იცხოვრა ადამიანის ცხოვრებით, ივნო და იწვნია სიკვდილი ჩვენი ცოდვებისათვის და აღსდგა მკვდრეთით, რათა გაგვიხსნას აღდგომის გზა – გზა სიკვდილიდან სიცოცხლისკენ.

უფალი მოვიდა არა დიდებით, არამედ სიმდაბლით. ის დაიბადა არა მეფის სასახლეში, არამედ უბადრუკ სადგომში, ის ჩააწვინეს არა დიდებულ აკვანში, არამედ პირუტყვის ბაგაში. მაგრამ ადამიანებს ჩვენებით ეუწყათ, რომ მაცხოვარი იშვა. მწყემსებმა იხილეს ანგელოზები და ესმათ მათი ზეციური საგალობელი: „დიდება მაღალთა შინა ღმერთსა, ქვეყანასა ზედა მშვიდობა და კაცთა შორის სათნოება!“ (ლკ. 2:14). მწყემსებს ეუწყათ, რომ იშვა სოფლის გამომხსნელი, ისინი მივიდნენ ბეთლემში და თაყვანი სცეს ღვთაებრივ ყრმას – იესოს, რომელილიც იშვა კაცთა მოდგმის გამოსახსნელად. მერე კი მოგვებიც, რომელთაც ასევე გამოეცხადათ, რომ ბეთლემში მაცხოვარი იშვა, მივიდნენ და თაყვანი სცეს უფალ იესო ქრისტეს და მიართვეს მას ოქრო, გუნდრუკი და მური.

სიჩუმეში, მდუმარებასა და უპატიობაში იბადება უფალი იესო ქრისტე. მის გარშემო არ არის ადამიანთა სიმრავლე, რომ თაყვანი ეცათ მისთვის. მხოლოდ რამდენიმე ადამიანია – რაღაც გაუგებარი და საიდუმლოებით მოცული ადამიანები შორეული ქვეყნიდან, რომელთაც უფალმა გამოუცხადა, რომ ის ქვეყნიერების მხსნელია. ჩვენ ისიც არ ვიცით, რას საქმიანობდნენ ისინი და რატომ მაინდამაინც ისინი გამოარჩია უფალმა. და მწყემსებიც, რომლებიც ფარას მწყემსავდნენ და არ უფიქრიათ, რომ ოდესმე მათ შესახებ სახარებებში დაიწერებოდა და ორი ათასი წლის შემდეგ მათ მოიგონებდნენ მორწმუნე ქრისტიანები.

უფალმა წინასწარმეტყველთა მიერ წინასწარ გვამცნო თავისი ძის მოვლინება. ეს წინა უწყება მთელს ძველ აღთქმას გასდევს. შესაქმის წიგნში ჩვენ ვკითხულობთ, რომ უფალმა აუწყა ადამსა და ევას, რომ მათგან წარმოსდგება ნათესავი, რომელიც შემუსრავს გველის თავს. ეს – საიდუმლო მინიშნებაა მესიაზე, რომელიც მოვა,  რათა ეშმაკი დაამარცხოს. ის გახდება ახალი ადამი, აღასრულებს იმას, რაც ვერ აღასრულა ადამმა და განკურნავს სრული ადამის ანუ ყოველი ადამიანის ყველა წყლულსა და სნეულებას.

იმავე დაბადებათა წიგნში ჩვენ ვკითხულობთ, როგორ ლოცავს მოხუცებული იაკობი თავის ვაჟებს და განსაკუთრებულ კურთხევას იუდას აძლევს. ის მბობს: „არ წაერთმევა კვერთხი იუდას, არც არგანი ფერხთა შუიდან, ვიდრე არ მოვა მისი მფლობელი და ის იქნება იმედი ხალხთა. ვაზზე უბია თავისი ჩოჩორი, ვენახის ლერწზე - თავისი ვირის ნაშიერი; ღვინოში რეცხავს თავის სამოსელს, და ყურძნის სისხლში - თავის ტანსაცმელს. თვალები მისი - ღვინის უწითლესი, კბილები მისი - რძის უთეთრესი“ (დაბ. 49:10-12). ეს ისევ და ისევ არის წინასწარმეტყველება მაცხოვარზე, რომელიც მოვა იმისთვის, რომ თავი თვისი დადოს და სისხლი თვისი დათნხიოს ქვეყნიერების გამოსახსნელად.

ჩვენ წაგვიკითხავს ესაია წინასწარმეტყველთან: „აჰა, მუცლადიღებს ქალწული და შობს ძეს, და უწოდებს სახელად ემანუელს“ (ეს. 7:14). ისრაელიანთა ყველა ეს წინასწარმეტყველება, მოლოდინი და იმედები სრულდება, როცა ქვეყნად იშვება უფალი მაცხოვარი.

დიახ, მას სულ სხვაგვარს ელოდნენ. ეგონათ, რომ მოვიდოდა ძლევამოსილი ხელმწიფე სამეფო გვარიდან, გამეფდებოდა ისრაელში, აღადგენდა დარღვეულ სამართალს, განდევნიდა ოკუპანტებს ისრაელის მიწიდან და მისი წყალობით ისრაელიანები გაბატონდებიან ყველა სხვა ხალხებზე. სწორედ ამიტომ, როცა ქრისტე საქადაგებლად გამოვიდა, ცოტამ თუ შეიცნო ის მესიად, ისრაელის ხალხმა კი უარყო იგი – ისინი სხვას ელოდნენ.

მაგრამ უფალს ენება მოსვლა არა მხოლოდ ისრაელის, არამედ მთელი მსოფლიოს გამოხსნისათვის, კაცობრიობის მთელი ისტორიის შეცვლისათვის. რათა ახლაც, ორი ათასი წლის შემდეგ, ადამიანები თაყვანს სცემდნენ მას. და იქამდე, ვიდრე იარსებებს დედამიწა, ყოველი ტომი თაყვანის სცემს განკაცებულ უფალ მაცხოვარს, რომელიც გარდამოხდა ზეცით, რათა ყველას უჩვენოს ცხონების გზა და მარადიული სიცოცხლე უბოძოს თითოეულ ადამიანს. და ყველა ჩვენგანი თავისი ცხოვრებით, თავისი სულიერი გამოცდილებით ეზიარება ამ გამოხსნას, რომელიც უფალმა იესო ქრისტემ მოგვიტანა.

აი, რატომ აქვს ქრისტეს შობის დღესასწაულს განსაკუთრებული მნიშვნელობა თითოეული ჩვენგანისათვის. აი რატომ ვადიდებთ ქრისტეს შობის დღესასწაულზე მას, ვის შესახებაც მრავალგზის და მრავალგვარად ამოწმებენ წინასწარმეტყველები, და ვინც ჟამთა დასასრულს (რომელიც გრძელდება ორი ათასი წელია) მოგვევლინა, რათა გაეცხადებინა ჩვენთვის ხატი ღმრთისა.

ჩვენ ვევედრებით უფალ იესო ქრისტეს, რომელიც ბეთლემში იშვა, რომ ყოველთვის სუფევდეს ის ჩვენ შორის, გვიფარავდეს ყოველგვარი ბოროტისგან, და გვიძღოდეს ცხონებისა და მარადიული სიცოცხლისაკენ. ამინ

ყველას გილოცავთ ქრისტეს შობის დღესასწაულს!“.

სსკგ-ის კომუნიკაციის სამსახური

 

 

გაზიარება:
უწმინდესმა პატრიარქმა კირილემ ეთიოპიის კათოლიკოს-პატრიარქს დაბადების 80 წლის იუბილე მიულოცა

23.01.2022

უწმინდესი პატრიარქის კირილეს მილოცვა ტირანასა და სრულიად ალბანეთის უნეტარეს მთავარეპისკოპოსს მისი მოსახელე წმინდანის ხსენების დღესთან დაკავშირებით

22.01.2022

უწმიდესი პატრიარქი კირილეს მილოცვა ბულგარეთის მართლმადიდებელი ეკლესიის წინამძღვარს მოსახელე წმინდანის ხსენების დღესთან დაკავშირებით

21.01.2022

უწმინდესმა პატრიარქმა კირილემ სერბეთის მართლმადიდებელი ეკლესიის მეთაურს ჯვრის დიდების დღე მიულოცა

20.01.2022

უწმიდესი პატრიარქის კირილეს სამძიმარი არქიმანდრიტ ევსევის (დანგალასი) გარდაცვალებასთან დაკავშირებით

17.01.2022

პატრიარქის მილოცვა ვოლოკოლამსკის მიტროპოლიტ ილარიონს საეპისკოპოსო ქიროტონიის მე-20 წლისთავთან დაკავშირებით

14.01.2022

ქრისტეს შობის დღესასწაულზე რუსეთის ეკლესიის წინამძღვარმა ქრისტე მაცხოვრის საკათედრო ტაძარში დიდი მწუხრის მსახურება შეასრულა

07.01.2022

უწმინდესი პატრიარქი კირილე: ჩვენ გამოვალთ იერუსალიმის საპატრიარქოს დასაცავად

07.01.2022

უწმინდესმა პატრიარქმა კირილემ უცხოეთის სახელმწიფოთა მეთაურებს ქრისტეს შობა და ახალი წელი მიულოცა

07.01.2022

უწმინდესმა პატრიარქმა კირილემ ადგილობრივი მართლმადიდებელი ეკლესიების მეთაურებს ქრისტეს შობა მიულოცა

07.01.2022

მოსკოვისა და სრულიად რუსეთის უწმინდესი პატრიარქის კირილეს საშობაო ეპისტოლე

06.01.2022

შედგა დეკანოზ ნიკოლოზ გუნდიაევის დაკრძალვა

02.01.2022

უწმინდესმა პატრიარქმა კირილემ წესი აუგო დეკანოზ ნიკოლოზ გუნდიაევს

02.01.2022

წმინდა სინოდის წევრებმა უწმინდეს პატრიარქ კირილეს 75 წლის იუბილე მიულოცეს

29.12.2021

შეიქმნა საპატრიარქოს აფრიკის საეგზარქოსო

29.12.2021

მიტროპოლიტი ილარიონი: „ეკატერინბურგის ნეშტების“ ნამდვილობის აღიარებისთვის ეკლესიის კრებსითი გადაწყვეტილებაა საჭირო

24.01.2022

მიტროპოლიტმა ილარიონმა გამოხატა თანაგრძნობა სსკგ-ის მრავალწლიანი თანამშრომლის დეკანოზ ალექსანდრე მაკაროვის გარდაცვალებასთან დაკავშირებით

23.01.2022

ზოგადსაეკლესიო სადოქტორო სადისერტაციო საბჭოში შედგა დეკანოზ ნიკოლოზ კარასევის სადოქტორო დისერტაციის დაცვა

23.01.2022

ზოგადსაეკლესიო სადოქტორო სადისერტაციო საბჭოში შედგა მღვდელმონაზონ გაბრიელის (მელნიკოვი) სადოქტორო დისერტაციის დაცვა

23.01.2022

მიტროპოლიტმა ილარიონმა ეთიოპიის კათოლიკოს-პატრიარქს დაბადების 80 წლის იუბილე მიულოცა

23.01.2022

სრულიად ამერიკისა და კანადის უნეტარესმა მიტროპოლიტმა ტიხონმა ვოლოკოლამსკის მიტროპოლიტ ილარიონს ეპისკოპოსად ქიროტონიის 20 წლისთავი მიულოცა

22.01.2022

სსკგ-ის თავმჯდომარემ ტირანისა და სრულიად ალბანეთის მთავარეპისკოპოს ანასტასის ინტრონიზაციის თარიღი მიულოცა

22.01.2022

ჩეხეთის მიწებისა და სლოვაკეთის მართლმადიდებელი ეკლესიის წინამძღვარმა ვოლოკოლამსკის მიტროპოლიტ ილარიონს საეპისკოპოსო ქიროტონიის 20 წლისთავი მიულოცა

21.01.2022

მიტროპოლიტმა ილარიონმა ბულგარეთის ეკლესიის წინამძღვარს მოსახელე წმინდანის ხსენების დღე მიულოცა

21.01.2022

სსკგ-ის თავმჯდომარემ სერბეთის უწმინდეს პატრიარქ პორფირეს ჯვრის დიდების დღე მიულოცა

20.01.2022

მიტროპოლიტმა ილარიონმა მონაწილეობა მიიღო ვალერი ხალილოვისადმი მიძღვნილი მუსიკალური ფესტივალის გახსნაში

17.01.2022

სსგკ-ის თავმჯდომარე ხორვატიის საგარეო და ევროპულ საქმეთა მინისტრს შეხვდა

17.01.2022

მიტროპოლიტმა ილარიონმა სამძიმარი გამოუცხადა იერუსალიმის უნერატარეს პატრიარქ თეოფილეს არქიმანდრიტ ევსევის (დანგალასი) გარდაცვალების გამო

17.01.2022

სსკგ-ის მეთაური: რუსეთსა და შეერთებულ შტატებს შორის კონფრონტაციის სიტუაციაში, ნებისმიერი დათმობა უკვე მხარეთა ერთმანეთისკენ შესახვედრად წასვლის მზადყოფნაზე მიუთითებს

17.01.2022

მიტროპოლიტი ილარიონი: რელიგიური ცხოვრების არსი ღმერთის სიყვარულშია

16.01.2022

მიტროპოლიტი ილარიონი: რელიგიური ცხოვრების არსი ღმერთის სიყვარულშია

16.01.2022

მიტროპოლიტი ილარიონი: დაე უფალი იესო ქრისტეს ამქვეყნად მოსვლის სიხარული ყოველთვის ცოცხლობდეს ჩვენს გულებში

09.01.2022

შობის წინა დღეს მიტროპოლიტი ილარიონი მოსკოვის ღვთისმშობლის ხატის – „ყოველთა მწუხარეთა სიხარული“-ს ტაძარში ღვთისმსახურებას წარუძღვა

06.01.2022

მიტროპოლიტი ილარიონი: უფალი თითოეულ ადამიანს ცხონებისკენ სხვადასხვა საშუალებით მოუწოდებს

27.12.2021

მიტროპოლიტი ილარიონი: უფალი მოყვასის სიყვარულს მოგვიწოდებს

05.12.2021

მიტროპოლიტი ილარიონი: ჩვენ გვწამს, რომ ანგელოზები ჩვენს ყოველდღიურ ცხოვრებაში მონაწილეობენ

21.11.2021

ღირსი ვარლაამ ხუტინელის ხსენების დღეს სსკგ-ის თავმჯდომარემ „ყოველთა მწუხარეთა სიხარულის“ ხატის სახელობის ტაძარში საღმრთო ლიტურგია აღავლინა

19.11.2021

მიტროპოლიტი ილარიონი: უფალმა ჩვენ მცნებად მოგვცა თითოეული ადამიანის სიყვარული

31.10.2021

სსკგ-ს თავმჯდომარემ რუბცოვოს ყოვლადწმინდა ღვთისმშობლის საფარველის ტაძარში ლიტურგია აღასრულა

17.10.2021

მიტროპოლიტი ილარიონი: ყოვლადწიდა ღვთისმშობლის საფარველის დღეს ჩვენ ღვთის დედის ზეციურ მეოხებას განვადიდებთ

14.10.2021

სსკგ-ს თავმჯდომარემ მოსკოვის წმინდა მოწამეების მიქაელისა და თეოდორე ჩერნიგოველების მეტოქიონში წირვა აღავლინა

03.10.2021

მიტროპოლიტმა ილარიონმა ზოგადსაეკლესიო ასპირანტურის აკადემიური ტაძრის სასაყდრო დღესასწაული წარმართა

11.09.2021

მიტროპოლიტი ილარიონი: ადამიანის ცხოვრებაში ბევრი რამ რწმენაზე არის დამოკიდებული

29.08.2021

მიტროპოლიტი ილარიონი: სული წმიდა – ქრისტიანული სულის მთავარი საუნჯეა

01.08.2021

მიტროპოლიტი ილარიონი: სიწმინდე - ეს არის მუდმივი სწრაფვა, მიბაძო უფალ იესო ქრისტეს

27.06.2021

Page is available in the following languages
უკუკავშირი

ველები მონიშნულია * შევსება აუცილებელია

გაგზავნეთ მიმართვა
Рус Укр Eng Deu Ελλ Fra Ita Бълг ქარ Срп Rom عرب