მოსკოვის საპატრიარქო
წმინდა მთავრის ალექსანდრე ნეველის დღესასწაულზე, კაიმანის კუნძულებზე წირვა აღევლინა
წმინდა მთავრის ალექსანდრე ნეველის დღესასწაულზე, კაიმანის კუნძულებზე წირვა აღევლინა
2021 წლის 12 სექტემბერს, წმინდა კეთილმსახური დიდი მთავრის ალექსანდრე ნეველის წმინდა ნაწილების გადაბრძანების დღესასწაულზე, დიდი კაიმანის კუნძულზე ქ. ჯორჯთაუნში, საღმრთო ლიტურგია აღევლინა. ღვთისმსახურება წმინდა გიორგის ანგლიკანური ტაძრის შენობაში სუროჟის ეპარქიის სასულიერო პირმა, მღვდელმა ნიკოლოზ ევსევმა აღასრულა.
წირვაზე სერბი მართლმადიდებელი მორწმუნენი ლოცულობდნენ. მათი ეროვნული ტრადიციების თანახმად, სერბმა მრევლმა საკუთარი ხელით დიდი საღვთისმსახურო სებისკვერი გამოაცხო ღვთისმსახურების შესასრულებლად.
წირვის დასასრულს მამა ნიკოლოზმა საკვირაო სახარების საკითხავის თემაზე ქადაგება წარმოთქვა. ამ დღეს სერბი წმინდანების ხსენება აღინიშნებოდა და მამა ნიკოლოზმა განსაკუთრებით გულთბილად მიულოცა დამსწრე მრევლს, გამოთქვა იმედი, რომ ზეციური მფარველების ლოცვებით – კეთილმსახური დიდი მთავრის ალექსანდრე ნეველის, მისი შვილის, კეთილმსახური მთავრის დანიელ მოსკოველის და ყველა სერბი წმინდანის – უფალი ხელს შეუწყობს კაიმანის კუნძულებზე მართლმადიდებელი მორწმუნეების სამრევლო ცხოვრების კეთილმოწყობას.
რუსეთის მართლმადიდებელი ეკლესიის სუროჟის ეპარქიის ვებგვერდი /
სსკგ-ს კომუნიკაციების სამსახური
პატრიარქი
განყოფილების თავმჯდომარე
24.01.2024
02.01.2024
24.01.2024
26.12.2023