მოსკოვის საპატრიარქო
პოლონეთის ეკლესიის კრებამ გაურკვევლობა გამოთქვა უკრაინის ხელისუფლების ქმედებასთან დაკავშირებით, რომელიც უკრაინის მართლმადიდებელ ეკლესიას კანონგარეშე მდგომარეობაში აყენებს
სსკგ-ის კომუნიკაციის სამსახური, 27.10.2023. 2023 წლის 24 ოქტომბერს, ვარშავისა და სრულიად პოლონეთის უნეტარესი მიტროპოლიტის საბას თავმჯდომარეობით პოლონეთის მართლმადიდებელი ეკლესიის ეპისკოპოსთა კრება გაიმართა.
კრების მონაწილეებმა, კერძოდ, შეაფასეს ადგილობრივ მართლმადიდებელ ეკლესიებში საეკლესიო ცხოვრების დღევანდელი მდგომარეობა და აღნიშნეს საეკლესიო ერთობის აუცილებლობა, რომელიც დაირღვა უკრაინაში ეკლესიის მიმართ განხორციელებული ანტიკანონიკური ქმედებების შედეგად.
„პოლონეთის ავტოკეფალური მართლმადიდებელი ეკლესიის ეპისკოპოსთა წმინდა კრებამ დიდი გაუგებრობით მიიღო ინფორმაცია სახელმწიფო ხელისუფლების მიერ უკრაინის მართლმადიდებელი ეკლესიის დელეგალიზაციის შესახებ“, – ნათქვამია სხდომის შემდგომ კომუნიკეში. როგორც უკვე გავრცელდა ინფორმაცია, 19 ოქტომბერს უმაღლესმა რადამ პირველი მოსმენით მიიღო No8371 კანონპროექტი, რომელიც მიზნად ისახავს უკრაინის მართლმადიდებელი ეკლესიის აკრძალვას. ამასთან დაკავშირებით, მოსკოვისა და სრულიად რუსეთის უწმინდესმა პატრიარქმა კირილემ წერილები გაუგზავნა ადგილობრივი მართლმადიდებელი ეკლესიების წინამძღვრებს და რიგ რელიგიურ ლიდერებს, ასევე მიმართა საერთაშორისო ორგანიზაციების წარმომადგენლებს. ადრესატებს მან თავისი შეშფოთება გაუზიარა უკრაინის პარლამენტის მიერ ამ დისკრიმინაციული კანონპროექტის განხილვის გამო.
მომხდართან დაკავშირებით პოლონეთის მართლმადიდებელი ეკლესიის იერარქებმა განსაკუთრებით აღნიშნეს, რომ „ქრისტეს ეკლესიას აქვს ონტოლოგიური განზომილება და ის არ ექვემდებარება ადამიანურ სამართლებრივ ნორმებს. მას თავად იესო ქრისტე მართავს, ჩვენი მაცხოვარი“.
მღვდელთმთავართა კრების მონაწილეებმა ასევე მოუწოდეს „გაძლიერებული ლოცვისკენ მშვიდობისთვის უკრაინასა და წმინდა მიწაზე, სადაც საომარი მოქმედებები დაიწყო და უდანაშაულო ხალხი იღუპება".
პატრიარქი
განყოფილების თავმჯდომარე
24.01.2024
02.01.2024